1. deild karla (Korpa)

Fyrsti keppnisdagur í 1. deild karla sem leikinn var á Korpunni. Leikið var á Sjónum og Ánni or ræst út frá báðum stöðum. Eins stafs hiti og köld gjóla tók á móti keppendum á vellinum.

Yngsti kylfingur GR-sveitarinnar, Ingvar Andri Magnússon sem er á sextánda ári slær upphafshögg með járni á 10. holu - þeirri fyrstu á ,,Ánni."

Reynslumesti kylfingur GR-sveitarinnar, Stefán Már Stefánsson lék með Ingvari eftir hádegi fyrsta daginn, en mótherjinn var Golfklúbbur Kiðjabergs.

Guðmundurr Ingvi Einarsson úr GKB.

Stefán Már Stefánsson slær inn á 1. holuna á Ánni.

Stefán Már Stefánsson, Ingvar Andri Magnússon.

Innáhögg Stefáns hafnaði í brekkunni á milli flatarinnar og árinnar og Ingvar Andri fékk það hlutverk að vippa upp á flötina.

Brotið kannað á flötinni. Stefán Már Stefánsson, Ingvar Andri Magnússon.

Stefán Már Stefánsson með fleygjárn úr flatarkanti fyrir pari.

Fyrsta brautin á Ánni, er í daglegu tali nefnd 10. holan á Korpúlfsstaðavelli, jafnvel þó niðurröðun á lykkjunum þremur geti verið með ýmsu móti. Guðmundur Ágúst Kristjánsson slær inn að flöt.

Stefán Már Stefánsson. Upphafshögg á 11. braut.

Pétur Freyr Pétursson liðsmaður GKB vippar inn á 10. braut.

Haraldur Franklín veltir fyrir sér aðstæðum á 10. braut.

Haraldur Franklín. Púttiðvar full ákveðið en það kom ekki að sök. Par.

Guðmundur Ágúst Kristjánsson púttar úr flatarkantinum á 10. holu

Haraldur Franklín Magnús á 11. teig. Engin vandamál með teighöggið.

Pétur Freyr Pétursson, ,,speed-golfari" og fyrrum félagsmaður í GR.

Guðmundur Ágúst Kristjánsson bíður eftir því að komast á 11. teiginn. Með honum er kylfusveinninn Viktor Ingi Einarsson, einn af mörgum upprennandi kylfingum GR.

Haraldur Franklín horfir á eftir innáhögginu á 11. holu, en hann missti boltann til hægri og var í erfiðri stöðu.

Haraldur Franklín rífur upp pútterinn eftir að hafa sett bolta sinn nálægt stöng úr þriðja höggi sínu hægra megin við flötina.

Pétur Freyr á hvíta teignum á 12. holu.