Þjóðhátíðardagurinn
hefst á golfkeppni
Byrjað var að leika um núverandi verðlaunagrip, útskorið trélistaverk eftir Ara Guðmundsson, fyrrverandi formann klúbbsins, sem gefið var af VISA Ísland árið 2000 og er sennilega fyrirferðamesti verðlaunagripur sem keppt er um á mótum klúbbsins. Samkvæmt reglum mótsins er verðlaunagripurinn ávallt í geymslu klúbbsins.
Hjóna- og parakeppni GR hefur farið fram á júní og á síðustu árum hefur sú hefð myndast að halda mótið að morgni 17. júní. Ræst er út á öllum teigum samtímis og leikið er með ,,greensome" keppnisfyrirkomulagi, þar sem bæði hjónin slá teighögg, en síðan slá keppendur til skiptis út holuna. Helsti kostur þess fyrirkomulag er sú að keppni gengur hratt fyrir sig, svo nægur tími er eftir að deginum til að drekka í sig þjóðhátíðarstemminguna. Að loknum leik koma keppendur saman í klúbbhúsi, snæða léttan hádegisverð og fylgjast með verðlaunaafhendingu.
Mótið hefur oftar farið fram á Korpúlfsstaðavelli en á síðustu árum virðist vera sem stefnan sé að skipta því á milli valla, en keppt var á Grafarholtsvelli árin 2014 og 2016.
Verðlaunagripurinn er farandgripur og vinnst ekki til eignar, en tvö pör hafa sigrað á mótinu tvisvar. Jóna Dóra Kristinsdóttir og Björgvin Þorsteinsson árin 2005 og 2009 og þau Helgi Anton Eiríksson og Kristín Magnúsdóttir 2014 og 2015.
