2020-mai

BÁSAR OPNA MÁNUDAGINN 4. MAÍ – SUMAROPNUN TEKUR GILDI

1. MAÍ 2020 Mánudaginn 4. maí verður reglum í samkomubanni aflétt að hluta og verður golfæfingasvæði Bása opnað á nýjan leik, þá mun sumaropnun á æfingasvæðinu jafnframt taka gildi. Kylfingar geta því glaðst yfir því að geta mætt og fínpússað sveifluna fyrir opnun valla sem er á næsta leiti. Við búumst við að margir kylfingar leggi leið sína í Bása og biðjum þá að kynna sér þessar reglur umgengni sem hafa verið settar upp og munu gilda frá og með mánudegi: Áður en farið er í boltavél eru kylfingar beðnir um að finna sér bás og koma golfsetti þar fyrir Hjálpumst að við að láta umferð í kringum boltavél ganga hratt og örugglega fyrir sig Körfur og boltar fara í gegnum sótthreinsun eftir hverja notkun Hafa skal handþvott og spritt í huga fyrir og eftir iðkun. Sprittstandar eru á báðum hæðum Bása og minnum við kylfinga á salerni fyrir handþvott Ekki skulu vera fleiri en tveir í einu inni í afgreiðslu hjá starfsmanni Samkvæmt reglum sem taka gildi á mánudag þá má hámarksfjöldi á æfingasvæðinu vera 50 manns og munu starfsmenn fylgjast með að fjöldatakmörk séu virt. Við biðjum kylfinga um að sýna skilning og samvinnu hvað fjöldatakmarkanir varðar. Hlökkum til að taka á móti ykkur! Starfsfólk Bása

OPNUN VALLA 2020

2. MAÍ 2020 Félagsmenn og aðrir kylfingar bíða spenntir eftir opnun valla 2020 enda hefur veturinn verið harður og leiðinlegur hvað golfiðkun varðar. Næstkomandi laugardag, 9. maí er stefnt að því að opna Korpúlfsstaðarvöll og mun Grafarholtið svo opna daginn eftir eða sunnudaginn 10. maí. Félagsmönnum er því óhætt að fara að pússa kylfurnar og gera sig klára því það styttist óðum í að golfsumarið verði komið á fulla ferð. Gert er ráð fyrir að báðir vellir opni með opnunarmótum eins og hefð er fyrir og verða allar nánari upplýsingar sendar út eftir helgina. Njótið helgarinnar! Golfklúbbur Reykjavíkur

ÁSTA ÓSKARSDÓTTIR ER PÚTTMEISTARI GR KVENNA ÁRIÐ 2020

4. MAÍ 2020 Sælar kæru GR konur, Skemmtilegri og spennandi púttmótaröð lauk eftir 7 skipti í endurbættri inniæfingaaðstöðu okkar á Korpúlfsstöðum. Mótaröðin hófst 28. janúar og lauk 10. mars 2020 vegna aðstæðna í þjóðfélaginu. Líkt og undanfarin ár var frábær þátttaka en heildarfjöldi sem skráði sig til mótsins í vetur taldi 227 konur, mjög vel gert! Tveir hringir voru spilaðir hvert þriðjudagskvöld þar sem betri hringurinn taldi og til púttmeistara töldu 4 bestu hringirnir. Púttmeistari GR-kvenna árið 2020 er Ásta Óskarsdóttir og hlýtur hún í verðlaun gjafakort í Golfskálanum að upphæð kr. 50.000. Ásta fór 4 bestu hringina sína á samtals 115 höggum sem er frábær frammistaða. Í 2. sæti er Lára Eymundsdóttir á samtals 116 höggum, hún hlýtur í verðlaun gjafakort í Golfskálanum að upphæð kr. 30.000. Í 3. sæti er Linda Bergsveinsdóttir á samtals 116 höggum, hún hlýtur í verðlaun gjafakort í Golfskálanum að upphæð kr. 20.000. Það var mjög mjótt á munum um 2-5. sætið og heildarskorið hnífjafnt, fara þurfti krókaleiðir í seinni 9 holur í síðasta spilaða hring sem taldi inn í mótið fyrir viðkomandi til að finna úrslitin. Þær Signý Marta Böðvarsdóttir og Sólveig Pétursdóttir tóku 4. og 5. sætið og svo koll af kolli. Við óskum Ástu Óskarsdóttur innilega til hamingju með árangurinn og titilinn og okkur öllum hinum fyrir góða þátttöku. Púttmótaröðin er meira en heildarskor, við veitum einnig verðlaun fyrir besta skor á hverju púttmótskvöldi. Í verðlaun er gjafakort í Golfskálanum að upphæð kr. 5.000 og hljóta eftirfarandi GR-konur slík verðlaun: Besta skor 28. janúar: Helga Ívarsdóttir 26 högg Besta skor 4. febrúar: Ragnheiður Víkingsdóttir 27 högg Besta skor 11. febrúar: Magdalena M. Kjartansdóttir 27 högg Besta skor 18. febrúar: Sólveig Pétursdóttir 26 högg Besta skor 25. febrúar: Margrét Karlsdóttir 28 högg Besta skor 3. mars: Sólveig Jóna Ögmundsdóttir 27 högg Besta skor 10. mars: Helga Tryggvadóttir 26 högg Hægt verður að nálgast verðlaunin á skrifstofu klúbbsins frá og með miðvikudeginum 6. maí. Við hlökkum mikið til að starfa með ykkur áfram í vor og sumar. Við erum þessa dagana að skipuleggja sumarstarfið og munum kynna dagskrána nánar þegar nær dregur. Sumarstarfið verður bæði með hefðbundnu sniði og einnig munu nýjungar líta dagsins ljós. Við tökum tillit til þeirra aðstæðna sem ríkja hverju sinni og virðum reglur um samkomubann, snertifleti og 2ja metra fjarlægðarbil. Við hefjum leikinn með 9.holu opnunarmóti GR-kvenna þegar vellirnir hafa opnað, nánari útfærsla verður kynnt síðar en mótið fer fram á heimavelli. Sumarmótaröðin byrjar miðvikudaginn 20. maí. og spilað verður annan hvern miðvikudag fram í lok júlí, alls sex skipti. Undantekning er að leikið verður 24.júní í stað 17.júní. Meistaramótið er svo á sínum stað í júlí og haustmót GR kvenna í september. Við í kvennanefndinni hlökkum mikið til að starfa með ykkur áfram í vor og sumar, allar ábendingar um starfið eru vel þegnar sem og ef þið hafið möguleika á að aðstoða með vinninga fyrir komandi mót. Með sumarkveðju frá Kvennanefnd GR 2020: Guðrún Óskarsdóttir Inga Nína Matthíasdóttir Kristín Nielsen Ljósbrá Baldursdóttir Sigríður Oddný Marinósdóttir Þórey Jónsdóttir

GOLFSKÓLI GR - SKRÁNING HAFIN

6. MAÍ 2020 Skráning er hafin í Golfskóla GR en hann er starfræktur yfir sumartímann og er hugsaður fyrir börn og unglinga á aldrinum 7-15 ára sem eru að stíga sín fyrstu skref í golfíþróttinni. Námskeiðin fara fram á æfingasvæði Bása í Grafarholti. Öllum er heimilt að taka þátt hvort sem viðkomandi er félagi í golfklúbbi eða ekki. Grunnatriði leiksins eru höfð að leiðarljósi ásamt því að hafa gaman í skemmtilegum hópi. Kennsla og utanumhald námskeiðanna er í höndum afrekskylfinga GR úr fremstu röð. SKRÁNING Skráningar í Golfskóla GR fara fram á félagavef klúbbsins https://grgolf.felog.is – þátttökugjald er kr. 14.100 og innifalið í því er: 4 daga kennsla í Golfskóla GR Aðgangur að Grafarkots- og Thorsvelli út sumarið 2020 Boltakort í Bása Pizzuveisla á lokadegi Diploma í lok námskeiðs 2 vikna aðgangur að æfingum í barna og unglingastarfi GR að loknu námskeiði Systkinaafsláttur, 20% er veittur (20% af gjaldi annars, þriðja og fleiri systkina) NÁMSKEIÐ 2020 Sumarið 2020 verða námskeiðin haldin á eftifarandi dagsetningum: Námskeið 1. 22. – 25 júní Námskeið 2. 29. júní – 2. júlí Námskeið 3. 13. – 16. júlí Námskeið 4. 27. – 30. júlí Námskeið 5. 10. – 13. ágúst Námskeiðin hefjast klukkan 9:00 alla morgna og standa til klukkan 13:00. Mæting er í Básum í Grafarholti þar sem leiðbeinendur taka á móti krökkunum. Þátttakendur eru beðnir um að koma klædd eftir veðri og hafa með aukafatnað, viðbúin öllu. Einnig er æskilegt að hafa með sér hollt nesti og drykk. Hægt er að fá kylfur lánaðar á staðnum. Eftir að hafa lokið námskeiði stíga krakkarnir mörg hver inn í starfið hjá klúbbnum og fara að stunda reglubundnar æfingar allt árið um kring.

FORMLEG OPNUN GRAFARHOLTSVALLAR FÆRÐ TIL LAUGARDAGSINS 16. MAÍ

6. MAÍ 2020 Formleg opnun Grafarholtsvallar hefur verið færð fram til laugardagsins 16. maí og verður Korpan því eingöngu opnuð um komandi helgi. Grafarholt mun opna formlega með opnunarmóti þann 16. maí og mun skráning hefjast þriðjudaginn 12. maí kl. 13:00, skráning verður nánar auglýst síðar. Framkvæmdir hafa staðið yfir í golfskálanum Grafarholti undanfarna mánuði og er þeirri vinnu ekki að fullu lokið og hefur þessi ákvörðun þar af leiðandi verið tekin. Við bendum félagsmönnum á að æfingaaðstaða klúbbsins í Básum og stuttaspilssvæði framan við Bása hefur verið opnað og því tilvalið að nota það til æfinga fyrir komandi tímabil. Rástímar á Korpu verða eingöngu opnir félagsmönnum þar til Grafarholtsvöllur opnar. Við hlökkum til að taka á móti félagsmönnum í nýju og endurbættu klúbbhúsi í Grafarholti.

NÝTT: BÓKAÐIR RÁSTÍMAR STAÐFESTIR MEÐ GOLFBOX APPI

7. MAÍ 2020 Frá og með opnun valla verða nýjungar í staðfestingu bókaðra rástíma, framvegis þurfa félagsmenn ekki að staðfesta sig með félagsskírteini í skanna. Notast verður við staðfestingu í gegnum Golfbox app. Til að virkja appið þarf að byrja á að sækja það í Playstore fyrir Android eða Appstore fyrir Apple og notast við sömu innskráningarupplýsingar og notaðar eru í Golfbox kerfið. Bókaðir rástímar eru svo staðfestir í gegnum appið þegar kylfingar eru komnir í innan við 1 km radíus við velli GR. Rástímar verða áfram birtir á tölvuskjá við klúbbhús. Til að þetta virki sem skildi þurfa kylfingar að leyfa appinu að nota staðsetningargögn (GPS) símans þegar það er notað. Þegar þú setur appið inn á símann þinn þá ertu beðin(n) um að gefa aðgang að staðsetningargögnum og er einnig hægt er að breyta þessu í gegnum stillingar á símanum. Ef sjálfvirk staðfesting með staðsetningargögnum er ekki virk þá er líka hægt að staðfesta rástíma handvirkt með því að velja rástímann og smella á "Staðfesta". Ef þú átt bókaðan rástíma og vilt staðfesta að þú sért mætt/ur. Veldu rástímaskráning. Veldu "Mínir rástímar" eða finndu rástímann þinn og smelltu á hann. Smelltu á "Staðfesta" mætingu. Þeir kylfingar sem notast ekki við snjallsíma þurfa að staðfesta sig í bókaðan rástíma í golfverslun. Við bendum þeim kylfingum á að gefa sér góðan tíma og sýna starfsfólki okkar þolinmæði því viðbúið er að röð myndist vegna þessa í golfverslun fyrst um sinn.

GOLFBÍLAUMFERÐ EKKI LEYFÐ FYRST UM SINN

8. MAÍ 2020 Lokað verður fyrir umferð golfbíla á Korpúlfsstaðavelli fyrst um sinn, tilkynnt verður þegar ákveðið hefur verið að opna fyrir golfbílaumferð á vellinum. Kveðja, Vallarstjóri

DÓMARAHORNIÐ: 2. HOLA KORPU

8. MAÍ 2020 Kæru kylfingar, Vallarmerkingarnefnd GR hefur gert nokkrar stórvægilegar breytingar á merkingum Korpunnar fyrir leiktímabiðlið 2020, sú fyrsta sem við tölum um í þessum pósti er 2. Holan, sem er á Sjónum, og er seinnihluti holunnar, þar hafa hvítar merkingar breyst í rauðor og rauð/hvítar merkingar, það merkir rautt vítasvæði og merkt með hvítum toppi sem merkir að það er bannsvæði. Merkingin er komin nær brautinni og er uppá kantinum, þannig að kylfingar losna við mölina sem er við ána. Ef bolti leikmanns endar rauð/hvíta svæðisins, þarf kylfingurinn að taka víti þar sem boltinn skar síðast línuna við vítasvæðið og hefur tvær kylfulengdir frá þeim stað til að útbúa sér lausnarsvæði. Ef boltinn fer inní vítasvæðið fyrir aftan flötina, gæti lausnarsvæðið verið mjög lítið þar sem lausnarsvæðið má vera 2 kylfulengdir frá þeim stað sem boltinn skar línuna, en ekki nær holu. Það má alls EKKI slá boltann þrátt fyrir að finnast innan þess svæðis, það má heldur ekki leita að boltanum innan þessa svæðis, það myndi kallast leiktöf, en ef boltinn sést og auðvelt er að ná í hann, þá er það leyfilegt. Nokkrar ástæður eru fyrir þessari breytingu og má þar helst nefna öryggisatriði þannig að kylfingar eru ekki að koma sér í hættulega stöðu og slá boltann við mjög skrítnar og erfiðar aðstæður, flýta leik og að virða tilvist veiðimanna og ekki að trufla laxinn sem er í ánni. Ef menn vilja fá ítarlegri upplýsingar um þessa breytingu er best að vera í sambandi við yfirdómara GR í gegnum tölvupóstinn domari@grgolf.is

OPNUNARMÓT KORPU 2020 - HÁKON ÖRN Á BESTA SKORI, 67 HÖGGUM

9. MAÍ 2020 Korpúlfsstaðavöllur tók vel á móti kylfingum þegar þeir mættu til leiks í Opnunarmót Korpu í morgun. Sólargeislarnir skinu skært og mátti sjá gleði á andlitum kylfinga, margir spenntir að komast út á golfvöll. Ræst var út frá kl.9-16 og var fullt í mótið. Korpúlfsstaðavöllur opnaði einnig formlega í dag. Hákon Örn Magnússon lauk hringnum á besta skori í dag á 67 höggum eða 5 höggum undir pari. Gísli Guðni Hall gerði sér lítið fyrir og fór holu í höggi á 17.braut. Samkvæmt meðspilurum var kalt í veðri og mótvindur. Vel gert Gísli, innilega til hamingju! Úrslit í Opnunarmóti Korpu 2020 urðu þessi: Forgjöf 0-14 1.sæti: Ragnar Olsen 41 punktar 2.sæti: Sigvaldi Tómas Sigurðsson 39 punktar 3.sæti: Daníel Bernstorff 38 punktar Forgjöf 14,1 og hærra 1.sæti: Nína Vígdísard. Björnsdóttir 40 punktar 2.sæti: Gestur Jónsson 38 punktar 3.sæti: Margrét Lilja Hrafnkelsdóttir 38 punktar Besta skor: Hákon Örn Magnússon 67 högg Nándarverðlaun 3.braut: Axel Arnar 2,35 m 6.braut: Böðvar Bragi Pálsson 0,41 m 9.braut: Ólafur Sigurjónsson 2,19 m 13.braut: Hákon Örn Magnússon 0,76 m 17.braut: Gísli Guðni Hall – Hola í höggi Við þökkum keppendum öllum fyrir þátttökuna í dag og óskum vinningshöfum í mótinu til hamingju með sinn árangur. Hægt verður að nálgast vinninga á skrifstofu klúbbsins frá og með þriðjudeginum 12.maí.

DÓMARAHORNIÐ: 14. HOLA KORPU

11. MAÍ 2020 Kæru kylfingar, Vallarmerkingarnefnd GR hefur gert nokkrar stórvægilegar breytingar á merkingum Korpunnar fyrir leiktímabilið 2020, sú önnur sem við tölum um í þessum pósti er 14. holan, sem er á Ánni, það eru tvær megin breytingar, nú er allt svæðið við holuna nema teigarnir og brautin sem er rauðmerkt og svæðið sem er hægramegin við brautin er nú orðið rauð/hvítt sem er vítasvæði sem bannað er að slá innan. Ef kylfingar enda innan vítasvæðisins, sem er þá í raunin allt svæðið nema teigarnir og brautin þá mega kylfingar fara á fallreit sem er brautarmegin við vítasvæðið. Ef bolti leikmanns flýgur yfir brautina og endar svo innan vítasvæðis mega kylfingar einnig taka víti þar sem boltinn skar síðast línuna við vítasvæðið, og búa til lausnarsvæði sem eru 2 kylfulengdir frá þeim punkti sem boltinn skar síðast línuna. Ef bolti leikmanns endar innan rauð/hvíta svæðisins, hægramegin við brautina, þarf kylfingurinn að taka víti þar sem boltinn skar síðast línuna eða fara á fallreit. Það má alls EKKI slá boltann þrátt fyrir að finnast innan þessa svæðis, það má heldur ekki leita að boltanum innan þessa svæðis, það myndi kallast leiktöf, en ef boltinn sést og auðvelt er að ná í hann, þá er leyfilegt að ná í hann. Nú mun fallreiturinn vera færður til og verður ekki endilega vinstramegin, heldur gæti hann verið hægramegin, þannig að vallarstarfsmenn geta hvílt svæði og séð til þess að fallreiturinn verða sem bestur hverju sinni. Megin ástæða þessarar breytingar eru að taka af allan vafa hvort leikmenn megi fara á fallreit eða ekki. Ef menn vilja fá ítarlegri upplýsingar um þessa breytingu er best að vera í sambandi við yfirdómara GR í gegnum tölvupóstinn domari@grgolf.is

GRAFARHOLTSVÖLLUR OPNAR 16. MAÍ - OPNUNARMÓT

11. MAÍ 2020 Næstkomandi laugardag, 16. maí, mun Grafarholtsvöllur opna formlega með Opnunarmóti Grafarholts og verða þar með báðir vellir félagsins opnir. Leikfyrirkomulag mótsins punktakeppni. Hæst er gefin forgjöf 24 hjá körlum og 28 hjá konum. Leikið er í tveimur flokkum 0-14 og 14,1 og hærra. Umferð golfbíla verður ekki leyfð á vellinum fyrst um sinn en verður það tilkynnt þegar þar að kemur. Skráning í mótið hefst á miðvikudag, 13. maí kl. 13:00 á www.golf.is - mótsgjald er kr. 3.500 og greiðist við skráningu. Veitt verða verðlaun fyrir 4 efstu sætin í hverjum flokki og verðlaun fyrir besta skor. Skráning í Opnunarmót Grafarholts fer fram með þessum hætti: Á golf.is þarf að velja Innskráning og þannig skrá kylfingar sig inn á Golfbox. Í Golfbox er farið í „Rástímabókun“ og valinn völlur sem heitir „GR – Opnunarmót Grafarholts 2020“, veljið dagsetningu móts 16.5.2020 og skráið ykkur í rástíma í mótinu. Mótsgjald er greitt við skráningu og því gott að hafa greiðslukortaupplýsingar við hendina. Einnig flýtir það fyrir skráningu ef kennitala eða félagsnúmer meðspilara sem skráðir eru samhliða eru til staðar. Nóg er að hafa númerið sem kemur á eftir seinna bandstrikinu (IS-7- XXXX). Við vekjum athygli á því að skráning fer eingöngu fram í gegnum vefinn. Verðlaun í Opnunarmóti Grafarholts: Forgjöf 0 – 14 1. sæti: Footjoy peysa og bolur 2.sæti: Footjoy peysa 3.sæti: Footjoy bolur 4.sæti: Footjoy bolur Forgjöf 14,1 - og hærra 1.sæti: Footjoy peysa og bolur 2.sæti: Footjoy peysa 3.sæti: Footjoy bolur 4.sæti: Footjoy bolur Besta skor: 1. sæti: GR merkt Footjoy peysa og bolur Reglubók Golfklúbbs Reykjavíkur - Skráning og mætingar í mót. 9.1 Mótshaldara er heimilt að krefjast greiðslu þátttökugjalda við skráningu. Keppandi á ekki rétt á endurgreiðslu þátttökugjalds boði hann forföll til mótsstjórnar/nefndarinnar, síðar en kl. 18.00 daginn fyrir fyrsta keppnisdag. Mótsstjóri er Dóra Eyland, dora@grgolf.is

BRAUTIR Í FÓSTUR – NÝTT VERKEFNI, VILT ÞÚ HJÁLPA TIL?

12. MAÍ 2020 Brautir í fóstur er nýtt tilraunaverkefni hjá Golfklúbbi Reykjavíkur sem býður félagsmönnum og golfhópum upp að taka að sér eina braut á golfvöllum félagsins og fóstra yfir golftímabilið. Metnaður félagsins er að vinna stöðugt að því að gera góða velli enn betri og fá félagsmenn hér tækifæri til að taka virkan þátt í því. Fóstrun felur í sér að þeir sem taka að sér braut sjá um að hirða hana og eru helstu verkefnin þessi: Tína brotin tí við teiga Hreinsa brautir og teiga fyrir torfusneplum Halda brautum hreinum og snyrtilegum og taka það rusl sem fellur til Gera við boltaför á flötum Raka glompur, ef þú ert þar og sérð auka fótspor eða órakað svæði (þegar hrífur verða aftur leyfðar á völlum) Tilkynna um það sem betur má fara á þinni braut til yfirvallarstjóra – ellert@grgolf.is Golfklúbbur Reykjavíkur hefur yfir að ráða alls 45 golfbrautir á völlum félagsins, okkar markmið er að fá einstaklinga og hópa til að fóstra þessar brautir á komandi tímabili. Skráning fer fram hjá framkvæmdarstjóra í gegnum netfangið omar@grgolf.is – ef félagsmenn hafa aðrar tillögur um það sem betur má fara má einnig senda þær á sama netfang. Vonumst eftir góðum undirtektum og hlökkum til að takast á við þetta nýja verkefni saman!

DÓMARAHORNIÐ: 18. HOLA KORPU

14. MAÍ 2020 Vallarmerkingarnefnd GR hefur gert nokkrar stórvægilegar breytingar á merkingum Korpunnar fyrir leiktímabilið 2020, sú þriðja og síðasta sem við tölum um í bili er 18. holan, sem er á Ánni, það eru tvær megin breytingar, nú hefur vítasvæðið, svæðið við ána verið stækkað og fallreiturinn færður og er nú teig megin við ána, hin breytingin er við skálann og blóma/trjá beðið við flötina. Ef kylfingar enda innan vítasvæðisins við ána mega þeir fara á fallreit sem núna er teig megin við ána og er gamli rauði teigurinn, sjá svartan hring á myndinni. Ef bolti leikmanns flýgur yfir brautina og endar svo innan vítasvæðis, vinstramegin við brautina mega kylfingar einnig taka víti þar sem boltinn skar síðast línuna við vítasvæðið, og búa til lausnarsvæði sem eru 2 kylfulengdir frá þeim punkti sem boltinn skar síðast línuna. Hin breytingin er við skálann og blóma/trjábeðið sem við og fyrir aftan 18. flötina, nú er enginn vafi á því að menn fá alltaf frílausn frá þessu svæði og verða að fara á fallreit sem við hliðina á 10. teignum, merktur svartur á myndinni. Athugið að þetta svæði verður ekki merkt sem blá/hvítt, heldur stendur þetta í staðarreglum, merkingar á myndinni eru aðeins til upplýsinga. Ef bolti leikmanns endar í blóma/trjábeði og væri hugsanlega hægt að slá hann, þá er það núna bannað og leikmenn verða að fara á fallreitinn. Þetta er gert til að hlífa okkar fallega gróðri sem verið er að byggja upp. Ef menn vilja fá ítarlegri upplýsingar um þessa breytingu er best að vera í sambandi við yfirdómara GR í gegnum tölvupóstinn domari@grgolf.is

SUMARMÓTARÖÐ GR KVENNA HEFST Á MIÐVIKUDAG, 20. MAÍ

15. MAÍ 2020 Þá er komið að sumarmótaröð GR kvenna árið 2020. Mótaröðin er í samstarfi við Úrval-Útsýn eins og undanfarin ár. Í ár eru spilaðir 6 hringir og telja 3 bestu hringirnir til Úrval-Útsýn Sumarmeistara GR kvenna 2020. Sumarmótaröðin er punktakeppni og fyrstu verðlaun er golfferð með Úrval-Útsýn. Einnig verða veitt verðlaun fyrir flesta punkta í maí, júní og júlí. Auk þess verða nándarverðlaun á völdum brautum. Spiladagar eru eftirfarandi: 20. maí – Korpa 3. júní - Grafarholt 24. júní - Korpa 1. júlí - Grafarholt 15. júlí - Korpa 29. júlí - Grafarholt – lokahóf Konur geta valið sér og skráð sig í rástíma allan mótsdag allt frá því völlur opnar og fram á kvöld. Þar sem mótaröðin hefur ekki frátekna rástíma er nóg að einhver í hollinu sé ritari staðfesti skorið, viðkomandi þarf að vera með forgjöf. Leikmaður þarf að segja frá því að hún sé að taka þátt í golfmóti og óski eftir því að einhver í hollinu sé staðfesti skorið, ekki er nauðsynlegt að aðilinn sé þátttakandi í mótinu. Ritari og leikmaður fara yfir skorið til staðfestingar. Vegna aðstæðna í þjóðfélaginu skrifar leikmaður bara undir sitt kort og skilar því með nafni og kennitölu í kassa í klúbbhúsi og verður skorið skráð og birt á golfboxinu daginn eftir mót. Mótsgjald fyrir alla sex hringina er kr. 3.000 og greiðist inn á reikn. 537-14-848, kt. 160672-4049. Fyrsta mót sumarsins er sem fyrr segir miðvikudaginn 20.maí á Korpunni og lykkjan er Sjórinn/Landið. Mæling er á tveimur flötum – 9 og 22 braut. Hlökkum til að sjá ykkur Kvennanefnd GR Kennsla og utanumhald námskeiðanna er í höndum afrekskylfinga GR úr fremstu röð. SKRÁNING Skráningar í Golfskóla GR fara fram á félagavef klúbbsins https://grgolf.felog.is – þátttökugjald er kr. 14.100 og innifalið í því er: 4 daga kennsla í Golfskóla GR Aðgangur að Grafarkots- og Thorsvelli út sumarið 2020 Boltakort í Bása Pizzuveisla á lokadegi Diploma í lok námskeiðs 2 vikna aðgangur að æfingum í barna og unglingastarfi GR að loknu námskeiði Systkinaafsláttur, 20% er veittur (20% af gjaldi annars, þriðja og fleiri systkina) NÁMSKEIÐ 2020 Sumarið 2020 verða námskeiðin haldin á eftifarandi dagsetningum: Námskeið 1. 22. – 25 júní Námskeið 2. 29. júní – 2. júlí Námskeið 3. 13. – 16. júlí Námskeið 4. 27. – 30. júlí Námskeið 5. 10. – 13. ágúst Námskeiðin hefjast klukkan 9:00 alla morgna og standa til klukkan 13:00. Mæting er í Básum í Grafarholti þar sem leiðbeinendur taka á móti krökkunum. Þátttakendur eru beðnir um að koma klædd eftir veðri og hafa með aukafatnað, viðbúin öllu. Einnig er æskilegt að hafa með sér hollt nesti og drykk. Hægt er að fá kylfur lánaðar á staðnum. Eftir að hafa lokið námskeiði stíga krakkarnir mörg hver inn í starfið hjá klúbbnum og fara að stunda reglubundnar æfingar allt árið um kring.

OPNUNARMÓT GRAFARHOLTS 2020 – STEFÁN MÁR Á BESTA SKORI, 67 HÖGGUM

16. MAÍ 2020 Opnunarmót Grafarholts fór fram í dag og tók völlurinn vel á móti keppendum í blíðu en frekar svölu veðri snemma í morgun. Ræst var út frá kl. 09:00 og var fyrsti ráshópurinn skipaður núverandi formanni, Birni Víglundssyni, ásamt þremur forverum hans, þeim Garðari Eyland, Jóni Pétri Jónssyni og Gesti Jónssyni og lá vel á hópnum þegar leikur hófst. Úrslit í Opnunarmóti Grafarholts 2020 urðu þessi: Forgjöf 0-14 1.sæti: Ómar Örn Friðriksson, 39 punktar 2.sæti: Ögmundur Máni Ögmundsson, 39 punktar 3.sæti: Kári Árnason, 38 punktar 4.sæti: Hjalti Kristján Hjaltason, 37 punktar Forgjöf 14,1 og hærra 1.sæti: Einar Sigurjón Oddsson, 37 punktar 2.sæti: Karl Jón Karlsson, 37 punktar 3.sæti: Hannes Ríkarðsson, 35 punktar 4.sæti: Nína Vigdísard. Björnsdóttir, 35 punktar Besta skor: Stefán Már Stefánsson, 67 högg Við þökkum keppendum öllum fyrir þátttökuna í dag og óskum vinningshöfum í mótinu til hamingju með sinn árangur. Hægt verður að nálgast vinninga á skrifstofu klúbbsins frá og með þriðjudeginum 19.maí.

ANDRI ÞÓR OG GUÐRÚN BRÁ SIGRUÐU Á ÍSAM-MÓTINU UM HELGINA

18. MAÍ 2020 ÍSAM-mótið sem er fyrsta mótið af þremur á heimslistamótaröðinni fór fram á Hlíðavelli hjá Golfklúbbi Mosfellsbæjar um helgina. Keppnin var gríðarlega spennandi og stóðu þau Andri Þór Björnsson úr GR og Guðrún Brá Björgvinsdóttir úr GK uppi sem sigurvegarar. Andri Þór Björnsson lék hringina þrjá á -4 samtals og var einu höggi betri en Dagbjartur Sigurbrandsson (GR) sem var efstur fyrir lokahringinn. Heimamennirnir úr GM, Kristófer Karl Karlsson og Björn Óskar Guðjónsson voru jafnir í þriðja sæti á -2 samtals. Guðrún Brá og Ólafía Þórunn Kristinsdóttir úr GR voru jafnar á -2 eftir 54 holur. Þær léku bráðabana um sigurinn og hafði Guðrún Brá betur eftir að þær höfðu leikið 6 holur í bráðabana. Ragnhildur Kristinsdóttir (GR) varð þriðja á +10 samtals og Valdís Þóra Jónsdóttir (GL) varð fjórða á +12 samtals. Skor og úrslit úr mótinu má sjá hér https://golfbox.dk/livescoring/tour/?language=1039&fbclid=IwAR0cfsaZdpRVpj_JNJZp5IyTzilVX4kX568eudzYmwIdzCDHCJltyVh7YyQ#/competition/2417413/holebyhole Við óskum sigurvegurum helgarinnar til hamingju og okkar fólki til hamingju með frábæran árangur á mótinu um helgina.

GOLFBÍLAR LEYFÐIR Í GRAFARHOLTI FRÁ OG MEÐ LAUGARDEGI, 23. MAÍ

22. MAÍ 2020 Frá og með laugardegi, 23. maí verður opnað fyrir umferð golfbíla á Grafarholtsvelli. Fyrstu vikuna frá opnun hefur golfbílaumferð ekki verið leyfð en völlurinn er nú að verða tilbúinn til að taka á móti umferð. Vallarstjóri

ÓLAFÍA ÞÓRUNN OG AXEL SIGRUÐU Á B59 HOTEL MÓTINU

25. MAÍ 2020 Miklar sviptingar urðu á lokahringnum á B59 Hotel mótinu sem leikið var á Garðavelli hjá Golfklúbbnum Leyni um helgina. Ólafía Þórunn Kristinsdóttir (GR) og Axel Bóasson (GK) stóðu uppi sem sigurvegarar en lokahringurinn var leikinn í gær. Vegna verðurs var rástímum keppenda seinkað fram yfir hádegi í gær og voru aðstæður krefjandi fyrir keppendur, sérstaklega á fyrri hluta hringsins þar sem úrkoma var mikil. Ólafía Þórunn tryggði sér sigurinn með pari á lokaholunni en Valdís Þóra var með fimm högga forskot á Ólafíu fyrir lokahringinn. Axel lék lokahringinn á -1 en okkar maður, Haraldur Franklín Magnús, var með -9 forystu fyrir lokahringinn. Haraldur hefði getað komið sér í bráðabana um sigurinn með því að setja niður 2-3 metra pútt fyrir pari á 18. flötinni. Það tókst ekki og Axel fagnaði sigrinum á -6. Árangur GR-inga var góður á mótinu - við óskum Ólafíu Þórunni til hamingju með sigurinn og okkar fólki til hamingju með árangur helgarinnar. Skor og stöðu keppenda má sjá hér: https://golfbox.dk/livescoring/tour/?language=1039#/competition/2415343/holebyhole

GOLFBOX - LEIÐBEININGAR OG AÐSTOÐ

25. MAÍ 2020 Boðið verður upp á leiðbeiningar og aðstoð með Golfbox í fundarherbergi á 1. hæð Korpu þriðjudag og fimmtudag á milli kl. 10 og 12. Við höfum orðið vör við að þær spurningar sem notendur kerfisins hafa verið að reka sig á snúa helst að innskráningu eða nýskráningu í kerfið, skorskráningu, golfvinum, breytingu á milli klúbba og notkun á Golfbox appi svo eitthvað sé nefnt, Atli Þór Þorvaldsson ætlar að vera til viðtals og leiðbeina félagsmönnum á fyrrgreindum tímum. Við hvetjum félagsmenn til að nýta sér þessa þjónustu.

NÝIR REKSTRARAÐILAR GRAFARHOLTSSKÁLA – HOLTIÐ KLÚBBHÚS

26. MAÍ 2020 Grafarholtsskáli fékk upplyftingu nú á vormánuðum og hafa nú nýir rekstraraðilar einnig tekið við veitingasölu skálans. Veitingastaðurinn hefur nú fengið nafnið Holtið Klúbbhús en þeir sem standa að baki rekstrinum eru þau Guðmundur Viðarsson, Mjöll Daníelsdóttir og Karen Guðmundsdóttir, þau sömu og hafa séð um rekstur klúbbhússins á Korpu – Korpa Klúbbhús, frá áramótunum 2018/2019 við góðar viðtökur félagsmanna og annara gesta. Þau Guðmundur og Mjöll hafa komið víða við í veitingarekstri í gegnum árin, þau ráku meðal annars Kaffivagninn á Granda og hafa séð um rekstur fjölmargra veiðihúsa. Karen hefur komið inn í reksturinn með þeim og mun að mestu sjá um reksturinn í Grafarholti. Matseðillinn sem félagsmenn mega vænta í Grafarholti í sumar verður með svipuðu sniði og hefur verið á Korpunni. Boðið verður upp á fjölbreytta rétti - súpur, fiskrétti og steikur, hamborgara auk þess sem alltaf verður boðið upp á rétti dagsins. Einnig verður boðið upp á léttari rétti og vegan fyrir þá sem kjósa auk smáréttaseðils. VEFSÍÐA KLÚBBHÚS FACEBOOK SÍÐA KLÚBBHÚS Við bjóðum Guðmund, Mjöll, Karen og allt þeirra starfsfólk velkomin í Grafarholtið og hlökkum til samstarfsins á komandi sumri.

GAMAN Í GOLFI – GOLFNÁMSKEIÐ MEÐ ATVINNUKYLFINGUM

26. MAÍ 2020 Atvinnukylfingarnir Andri Þór og Haraldur Franklín eru að fara stað með golfnámskeið. Á námskeiðunum vilja þeir bæði kenna kylfingum tæknileg atriði og einnig leiðbeina þeim hvernig er hægt að æfa sig markvisst og skipuleggja golfæfingar betur. Reynsla þeirra er sú að kylfingar vita í raun ekki alveg hvernig hægt er að nýta tímann við æfingar sem best, öðruvísi en að lemja bara 100 kúlum áfram. Allir eru velkomnir á námskeiðin, sama hver forgjöfin er. En þeir kylfingar sem hafa einhver markmið í golfi, eins og að lækka forgjöfina eða lækka skorið gætu sérstaklega hagnast af þessu námskeiði. Námskeiðin verða alls 6 talsins, 3 tímar í senn og er hvert námskeið er tvískipt. Fyrri hlutinn fer fram við æfingaflötina á Korpúlfsstöðum (ef að veðrið of slæmt þá er hægt að færa sig inn), þessi hluti er 2 klst. og er aðallega hugsaður til að bæta stutta spilið. Seinni hlutinn (1 klst.) fer fram morguninn eftir þar sem hópurinn hittist í Básum og farið verður yfir sveifluna og æfingar sem tengjast sveiflunni. Gaman í golfi - golfnámskeið.pdf Verð á námskeiðið pr. kylfing eru kr. 12.000 og fer skráning fram í gegnum netfangið gamanigolfi@gmail.com Höfum gaman í golfi!

TILKYNNING FRÁ VALLARSTJÓRA - BOLTAFÖR Á FLÖTUM

2. JÚNÍ 2020 Vallarstjóri vill ítreka það við félagsmenn og kylfinga sem leika á völlum félagsins að hafa gaffal meðferðis og lagfæra eftir sig boltaför sem myndast á flötum. Boltaför hafa verið áberandi á flötum félagsins undanfarið og er þarft að minna á það að vinna saman að því að gera góða velli enn betri.

RÚNAR SIGURÐUR OG SIGURÐUR ÓLI SIGURVEGARAR Í THE FAMOUS GROUSE OPEN

6. JÚNÍ 2020 The Famous Grouse Open fór fram á Korpúlfsstaðavelli í dag laugardaginn 6.júní. Frábær þátttaka var í mótinu enda glæslilegt mót í alla staða. Alls tóku þátt 162 keppendur og spiluð var liðakeppni, tveir leikmenn í betri bolta punktakeppni. Veitt voru verðlaun fyrir fyrstu þrjú sætin, nándarverðlaun á öllum par 3 holum vallarins og sérstök verðlaun voru veitt fyrir besta séntilmanna golf búninginn. Úrslitin voru eftirfarandi: 1.sæti: Rúnar Sigurður Guðjónsson og Sigurður Óli Sumarliðason 51 punktar 2.sæti: Aðalsteinn Oddgeirsson og Guðmundur S Guðmundsson 47 punktar 3.sæti: Davíð Gunnlaugsson og Gunnlaugur Júlíusson 46 punktar Nándarverðlaun 3.braut: Auðunn Blöndal 90 cm 6.braut: Baldur Jónsson 26 cm 9.braut: Jóhann Birgisson 83 cm 13.braut: Andri Magnússon 1,8 m 17.braut: Melkorka Knútsdóttir 3,07 m Verðlaun fyrir besta séntilmanna golf búninginn fengu þeir Steingrímur Hjörtur Haraldsson og Hjörtur Ingþórsson. Meðfylgjandi mynd er af þeim félögum. Við þökkum keppendum öllum fyrir þátttökuna í mótinu og og óskum sigurvegurum til hamingju með sinn árangur. Einnig færum við styrktaraðila bestu þakkir fyrir. Hægt er að nálgast vinninga úr mótinu á skrifstofu klúbbins frá og með mánudeginum 8.júní.

HJÁLPUMST ÖLL AÐ VIÐ ENDURVINNSLUNA

4. JÚNÍ 2020 Við hjá GR höfum verið að skoða með hvaða hætti við getum staðið betur að flokkun og endurvinnslu þess sem fellur til á völlum félagsins. Með það að markmiði hafa nú gömlu ruslatunnurnar verið fjarlægðar en í þeirra stað hefur verið komið upp endurvinnslutunnum á völdum stöðum á vellinum. Með þessu móti má koma öllu rusli í sinn flokk og huga betur að umhverfinu. Við óskum eftir liðsinni félagsmanna með þetta verkefni og biðjum þá kylfinga sem leika á völlum félagsins að taka með sér það sem tilheyrir þeim og losa svo í þar til gerðar flokkunartunnur. Til að byrja með verða flokkunartunnurnar staðsettar við klúbbhúsin í Grafarholti og við Korpu, en verður mögulega fjölgað ef þörf þykir. Við hvetjum kylfinga einnig til þess að hugsa um hvað þeir taki með sér út á völl til þess að lágmarka það rusl sem fellur til og hefur veitingafólkið okkar t.d. breytt umbúðum á samlokum til koma til móts við okkur. Ekki þarf að taka það fram, en reynist þó þörf á, að rusli hendum við ekki út á völl né skiljum eftir okkur á teigum. Það er einfalt að stinga umbúðum eða gosflöskum í pokann og henda svo þegar næsta flokkunarstöð verður á vegi okkar. Það er sameiginleg ábyrgð okkar allra að halda völlunum snyrtilegum og á sama tíma að flokka og skila rusli á réttan stað.

GOLFBÚÐARMÓTIÐ: ARON SNÆR OG GUÐRÚN BRÁ SIGURVEGARAR - GÓÐUR ÁRANGUR GR-INGA

8. JÚNÍ 2020 Það voru þau Aron Snær Júlíusson úr GKG og Guðrún Brá Björgvinsdóttir úr Keili sem sigruðu á Golfbúðarmótinu sem fram fór á Hólmsvelli í Leiru. Mótið er hluti af Stigamótaröð GSÍ og var þetta annað mótið af alls fimm á tímabilinu. Okkar fólki gekk vel á mótinu og urðu þeir Haraldur Franklín Magnús og Dagbjartur Sigurbrandsson jafnir í 2.- 3. sæti á 214 höggum. Andri Þór Björnsson endaði á 218 höggum og varð jafn í 5.- 7. Sæti ásamt þeim Axel Bóassyni (GK) og Inga Þór Ólafssyni (GM). Í kvennaflokki varð Saga Traustadóttir í 2. sæti á alls 227 höggum (+11), þær Ragnhildur Kristinsdóttir og Ólafía Þórunn Kristinsdóttir urðu jafnar í 3.- 4. sæti á 229 höggum (+13). Við óskum sigurvegurum helgarinnar til hamingju og okkar fólki til hamingju með góðan árangur. Lokastöðu úr mótinu má finna hér https://golfbox.dk/livescoring/tour/?language=1039#/competition/2341769/leaderboard/2409048

AUKIÐ FRAMBOÐ RÁSTÍMA Á VÖLLUM GR

8. JÚNÍ 2020 Eins og félagsmenn okkar hafa orðið varir við þá hefur verið mikil eftirspurn eftir rástímum á völlum félagsins. Ákveðið hefur verið að bregðast við þessu með því að fjölga rástímum þannig að ræst verður út á 9 mínútna fresti í stað 10 mínútna. Með breyttum golfreglum þar sem leitartími hefur verið styttur og leyfilegt er að hafa stöngina í þegar púttað er hefur leikhraði í golfi klárlega aukist, en meðal leikhraði hefur verið innan við 4 klst á völlum GR í vor. Þetta er enn meira áberandi með þeim sóttvarnareglum sem hafa verið í gildi og býður upp á tækifæri til þess að ræsa út hraðar og stytta tímann á milli rástíma um eina mínútu. Ávinningur Með þessu fyrirkomulagi bætast daglega við 10 holl í Grafarholti, önnur 10 holl á 18 holu Korpu og 10 holl í viðbót á Korpu 9 holur. Þarna bætast daglega við 30 holl eða 120 kylfingar. Á viku bætast þá við 210 holl eða 840 kylfingar og munar verulega um það. Ákveðið hefur verið að þessar breytingar taki gildi frá og með 15. júní, þýðir það að þegar opnað verður fyrir rástímabókanir kl. 22:00 á fimmtudagskvöld þurfa félagsmenn að velja eftirfarandi velli til að bóka mánudaginn: GR – Grafarholt 18 holur (Kl. 8-22) – 9 mín GR – Korpa 18 holur (Kl. 8-22) – 9 mín GR – Korpa 9 holur (Kl. 9-22) – 9 mín Ef aftur á móti á að gera breytingar á áður bókuðum rástímum fyrir dagana 12. – 14. júní þá þarf að hafa í huga að velja þessa velli: GR – Grafarholt 18 holur (Kl. 8-22) – 10 mín GR – Korpa 18 holur (Kl. 8-22) – 10 mín GR – Korpa 9 holur (Kl. 9-22) – 10 mín Til að breyting sem þessi virki sem best þá er mikilvægt að minna á ábyrgð kylfinga við að halda uppi leikhraða þegar leikið er á völlum félagsins. Golfklúbbur Reykjavíkur

SUMARBINGÓ ELDRI KYLFINGA

16. JÚNÍ 2020 Sumarbingó eldri kylfinga klúbbsins verður haldið á föstudag, 19. júní. Það er hópur eldri kylfinga klúbbsins sem hefur staðið fyrir mánaðrlegu bingó yfir vetrartímann og ætla nú að skella í eitt sumarbingó. Almennt er vel mætt á viðburðina og geta gestir átt von á flottum vinningum, það er því vel þess virði að mæta og gera sér glaðan dag í góðum félagsskap. Dagskráin verður þessi: Kl. 10:30 – Kaffi og spjall Kl. 11:00 – Bingó hefst Vinningar í sumarbingó: Hanski og boltar Húfa og boltar Karfa og boltar Skál og boltar Konfekt og boltar Vetrarhanski og boltar Regnhlíf og boltar Sjónauki og boltar Auk þess verður dregið úr spjöldum – úrval aukavinninga. Allir eldri kylfingar klúbbsins eru hvattir til að mæta og taka þátt í þessum frábæra félagsskap Bingónefndin hlakkar til að sjá sem flesta mæta á Korpuna á föstudag! Golfklúbbur Reykjavíkur

HREYFINGAR LEYFÐAR FRAM TIL 1. JÚLÍ

16. JÚNÍ 2020 Kæru félagsmenn GR, Ákveðið hefur verið að framlengja hreyfingum/færslum á brautum og flötum til 1. júlí. Eftir það verða spilað hreyfingarlaust golf á Korpunni og Grafarholtið hreyfingarlaust á flötum. Því miður þá eru brautir í Grafarholtinu þannig að leyfa verður vítalausar færslur allt sumarið. Það er mjög umdeilt hjá félagsmönnum GR hvort leyfa eigi færslur allt árið eða ekki, golfreglurnar eru skýrar og segja orðrétt: Regla 1.1: Í hverju höggi leikur leikmaðurinn: Völlinn eins og hann kemur að honum, og Boltanum eins og hann liggur. Það eru þó undantekningar á þessu, sem eru svokallaðar bætt lega (vetrarreglur), hægt er að nálgast þær í kaflanum E-3 í skjalinu „Opinberar leiðbeiningar“ sem hægt er að nálgast inná golf.is, þar segir orðrétt: Tilgangur. Þegar tilfallandi staðbundnar óeðlilegar aðstæður kunna að trufla leik á ósanngjarnan hátt er hægt að skilgreina aðstæðurnar sem grund í aðgerð. Óhagstæðar aðstæður, svo sem mikill snjór, þíða að vori, langvarandi rigningar eða mikill hiti geta stundum skemmt völlinn eða valdið því að ekki sé hægt að nota þung sláttutæki. Þegar slíkar aðstæður eru útbreiddar á vellinum getur nefndin kosið að setja staðarreglu fyrir „bætta legu“ (einnig þekkt sem „vetrarreglur“) til að gera leik sanngjarnari eða hlífa brautinni. Slíkar staðarreglur ætti að taka úr notkun eins fljótt og aðstæður leyfa. Yfirdómara langar að benda kylfingum á það þegar þeir eru að keppa í móti og ef þeir telja boltann sinn liggja á mjög ósanngjörnum stað á braut og telja hann ósláanlegan þá má hringja í dómara, sem mætir þá á staðinn og metur aðstæður og ef hann telur þær ósanngjarnar þá mun hann merkja viðkomandi svæði blátt, þó í miðju móti sé. Allar athugasemdir vinsamlegast sendast á domari@grgolf.is Kveðja Yfirdómarinn

HÖRÐUR OG LAUFEY SIGURVEGARAR Í HJÓNA - OG PARAKEPPNI GR 2020

17. JÚNÍ 2020 Hjóna- og parakeppni Golfklúbbs Reykjavíkur fór fram í dag, 17.júní. Frábær þátttaka var í mótinu og nánast slegist um plásinn. Alls mættu 62 hjón eða pör til leiks eða 124 manns. Veðrið lék við keppendur hérna í Grafarholtinu í dag. Eftir spilið tók á móti keppendum þriggja rétta hjá Holtið klúbbhús. Spilað var Greensome og veitt verðlaun fyrir þrjú efstu sætin. Einnig voru veitt nándarverðlaun á öllum par 3 holum vallarins. Úrslitin voru eftirfarandi: 1.sæti: Hörður Sigurðsson og Laufey Valgerður Oddsdóttir 63 nettó 2.sæti: Jón Þór Gunnarsson og Birgitta Guðmunsdóttir 64 nettó 3.sæti: Guðmundur Hjaltason og Bogey Ragnheiður Sigfúsdóttir Nándarverðlaun: 2.braut: Hörður Theodórsson 0,83 m 6.braut: Hrund Grétarsdóttir 3,11 m 11.braut: Laufey V. Oddsdóttir 1,95 m 17.braut: Helga Óskarsdóttir 1,48 m Golfklúbbur Reykjavíkur óskar verðlaunahöfum til hamingju með sinn árangur og þakkar öllum fyrir þátttökuna í dag.

ÍSLANDSMÓT GOLFKLÚBBA 18 ÁRA OG YNGRI – SVEITIR GR

18. JÚNÍ 2020 Íslandsmót Golfklúbba í barna- og unglingaflokkum verður haldið dagana 25. – 27. júní. Keppni í aldursflokki 16 – 18 ára verður leikin á Hellu og munu 15 ára og yngri leika á Akranesi. Golfklúbbur Reykjavíkur sendir 7 sveitir til keppni í ár og eru þær skipaðar eftirfarandi kylfingum: 16-18 ÁRA Korpa Arnór Tjörvi Þórsson Böðvar Bragi Pálsson Dagbjartur Sigurbrandsson Finnur Gauti Vilhelmsson Tómas Eiríksson Hjaltested Grafarholt Arnór Már Atlason Bjarni Þór Lúðvíksson Egill Orri Valgeirsson Ísleifur Arnórsson Jóhann Frank Halldórsson Kjartan Sigurjón Kjartansson Korpa Auður Sigmundsdóttir Ásdís Valtýsdóttir Bjarney Ósk Harðardóttir Jóhanna Lea Lúðvíksdóttir Nína Margrét Valtýsdóttir 15 ÁRA OG YNGRI Korpa Berglind Ósk Geirsdóttir Brynja Dís Viðarsdóttir Helga Signý Pálsdóttir Pamela Ósk Hjaltadóttir Perla Sól Sigurbrandsdóttir Þóra Sigríður Sveinsdóttir Grafarholt Ágústa María Valtýsdóttir Erna Steina Eysteinsdóttir Gabríella Neema Stefánsdóttir Margrét Jóna Eysteinsdóttir Ninna Þórey Björnsdóttir Ragna Lára Ragnarsdóttir Korpa Elías Ágúst Andrason Eyþór Björn Emilsson Fannar Grétarsson Halldór Viðar Gunnarsson Hjalti Kristján Hjaltason Tryggvi Jónsson Grafarholt Daníel Björn Baldursson Daniel Sean Hayes Heimir Krogh Haraldsson Ingimar Jónasson Jón Eysteinsson Valdimar Kristján Ólafsson Við óskum ungu kylfingum okkar góðs gengis og góðrar skemmtunar í Íslandsmóti Golfklúbba 2020 og hlökkum til að fylgjast með keppni. Golfklúbbur Reykjavíkur

BÓKAÐIR RÁSTÍMAR: AFSKRÁNING Á ÁBYRGÐ FÉLAGSMANNA

19. JÚNÍ 2020 Í byrjun júní var gerð könnun á því hvernig og hvort félagsmenn væru að mæta í bókaða rástíma. Almennt var mætingin góð en þó ljóst að félagsmenn mega bæta sig við það að afskrá sig í rástíma sem þeir ætla ekki að nýta. Niðurstöður könnunar leiddu í ljós að meðaltal þeirra kylfinga sem mæta ekki daglega er 51 kylfingur eða 17 kylfingar á dag á hverjum velli. Til að bregðast við þeirri miklu eftirspurn sem hefur verið eftir rástímum frá opnun valla þá var farið í þá breytingu að rástímar yrðu bókaðir með 9 mínútna millibili í stað 10 og tók sú breyting gildi mánudaginn 15. júní og hefur sú breyting gengið vel fyrir sig og hefur haft óveruleg áhrif á leikhraða. BANN VERÐUR SETT Á ÞÁ SEM AFBÓKA EKKI RÁSTÍMA Frá og með föstudeginum 26. júní munu nýjar reglur taka gildi um mætingu í rástíma hjá Golfklúbbi Reykjavíkur. Félagsmönnum verður skylt að staðfesta rástíma sinn í Golfbox Appi eða hjá starfsmanni í golfverslun. Afbóki félagsmaður ekki né staðfesti rástíma sinn gilda eftirfarandi reglur: Sé bókaður rástími EKKI staðfestur í eitt skipti fær félagsmaður viðvörun Sé bókaður rástími EKKI staðfestur í tvö skipti verður félagsmaður settur í viku bann frá bókun rástíma Leiðbeiningar um staðfestingu rástíma og afskráningu með Golfbox Appi verða sendar út til félagsmanna eftir helgi. Það er von okkar að félagsmenn bregðist vel við þessum reglum og afbóki tímanlega þá rástíma sem þeir hyggjast ekki nýta.. Golfklúbbur Reykjavíkur

MEISTARAMÓT GR 2020 – SKRÁNING HEFST Á MIÐVIKUDAG, 24. JÚNÍ

22. JÚNÍ 2020 Meistaramót Golfklúbbs Reykjavíkur 2020 fer fram dagana 5. – 11. júlí. Eins og undanfarin ár verður leikið verður á Grafarholtsvelli og á Korpúlfsstaðarvelli, Sjórinn/Áin. Sunnudaginn 5. júlí til þriðjudagsins 7. júlí leika allir barna- og unglingaflokkar, 70 ára og eldri karlar, 50 ára og eldri karlar í forgjafarflokkum 10,5-20,4 og 20,5-54. 70 ára og eldri konur, 50 ára og eldri konur í forgjafarflokkum 16,5-26,4 og 26,5-54. Þá leika einnig 3. flokkur karla og kvenna og 4. og 5. flokkur karla. Þessir flokkar leika þriggja daga mót eða 54 holur. Miðvikudaginn 8. júlí til laugardagsins 11. júlí leika karlar 50 ára og eldri í forgjafarflokk 0-10,4 og konur 50 ára og eldri í forgjafarflokk 0-16,4, 2.flokkur karla og kvenna, 1.flokkur karla og kvenna og Meistaraflokkur karla og kvenna. Þessir flokkar leika fjögurra daga mót eða 72 holur. Keppendur 18 ára og yngri leika í sínum aldursflokki nema að þeir hafi meistaraflokksforgjöf þá er þeim heimilt að leika í Meistaraflokki. Skráning í mótið hefst miðvikudaginn 24. júní kl. 10:00 í mótaskrá á Golfbox og lýkur fimmtudaginn 2. júlí kl. 12:00. Greiða þarf mótsgjald við skráningu. Innifalið í mótsgjaldi eru veitingar í lokahófi á laugardagskvöldi. Leiðbeiningar um skráningu í Meistaramót 2020: Félagsmenn skrá sig inn í Golfbox í tölvu og velja „Innanfélagsmót“ neðst til vinstri á forsíðu. Ef skráning fer fram í gegnum App er valið „Mót“ og „Minn golfklúbbur“. Í mótaskrá er valið Meistaramót GR 2020 dagana 5. – 11. júlí. Þegar komið er inn í mótið er smellt á hnappinn „Skráning hér“. Gengið er frá greiðslu mótsgjalds við skráningu. SKRÁNING Á SKORI FER FRAM Í GEGNUM GOLFBOX APP Með tilkomu Golfbox hefur skráning á skori í mótum á vegum Golfklúbbs Reykjavíkur farið fram með rafrænum hætti og reynst vel. Við munum nýta okkur þessa aðferð við skráningu á skori í Meistaramóti GR 2020. Frekari upplýsingar verða kynntar þegar nær dregur móti. Mótsgjöld í Meistaramót GR 2020: 4ra daga mót, 72 holur = 10.400 kr. 3ja daga mót, 54 holur = 9.400 kr. Börn og unglingar 10 ára og yngri = 3.700 kr. 11 ára og eldri = 7.200 kr. Meistaramóti GR 2020 lýkur með lokahófi laugardaginn 11. júlí. Lokahóf barna- og unglinga er haldið þriðjudaginn 7. júlí og verður auglýst síðar. Reglubók Golfklúbbs Reykjavíkur - Skráning og mætingar í mót. 9.1 Mótshaldara er heimilt að krefjast greiðslu þátttökugjalda við skráningu. Keppandi á ekki rétt á endurgreiðslu þátttökugjalds boði hann forföll til mótsstjórnar/nefndarinnar, síðar en kl. 18.00 daginn fyrir fyrsta keppnisdag. Áætlaða rástíma flokka er að finna í meðfylgjandi skjali - Athugið að rástímar þessir eru birtir með fyrirvara um breytingar. Meistaramót áætlaðir rástímar 2020.pdf Skipting flokka verður sem hér segir: Karlar Meistaraflokkur karla: fgj. 0-4,4 1.flokkur karla: 4,5-10,4 2.flokkur karla: 10,5-15,4 3.flokkur karla: 15,5-20,4 4.flokkur karla: 20,5-27,4 5.flokkur karla: 27,5-54 Karlar 50 ára og eldri: 0-10,4 Karlar 50 ára og eldri: 10,5-20,4 Karlar 50 ára og eldri: 20,5-54 70 ára+ karlar Konur Meistaraflokkur kvenna: fgj. 0-10,4 1.flokkur kvenna: 10,5-17,4 2.flokkur kvenna: 17,5-24,4 3.flokkur kvenna: 24,5-31,4 4.flokkur kvenna: 31,5-54 Konur 50 ára og eldri: 0-16,4 Konur 50 ára og eldri: 16,5-26,4 Konur 50 ára og eldri: 26,5-54 70 ára+ konur Börn og unglingar 10 ára og yngri hnokkar 10 ára og yngri hnátur 11-14 ára telpur fgj.24-54 11-14 ára drengir fgj.24-54 11-14 ára drengir fgj.0-23,9 11-14 ára telpur fgj.0-23.9 15-16 ára stelpur 15-16 ára strákar 17-18 ára stúlkur 17-18 ára piltar

ÍSLANDSMÓT Í HOLUKEPPNI: ÓLAFÍA ÞÓRUNN OG AXEL TRYGGÐU SÉR ÍSLANDSMEISTARATITILINN

22. JÚNÍ 2020 Íslandsmótinu í holukeppni á Akureyri lauk lauk í gær og stóð okkar fólk sig gríðarlega vel á mótinu um helgina. Í kvennaflokki tryggði Ólafía Þórunn Kristinsdóttir sér Íslandsmeistaratitilinn eftir GR úrslitaleik og hörku viðureign við Evu Karen Björnsdóttir. Ragnhildur Kristinsdóttir tryggði sér svo þriðja sætið með sannfærandi sigri gegn Guðrúnu Brá úr GK. Í karlaflokki lék Hákon Örn Magnússon úr GR til úrslita gegn Axeli Bóassyni úr GK í gríðarlega spennandi leik þar sem þeir skiptust á að leiða allt til enda þar sem Axel hafði betur. Guðmundur Ágúst Kristjánsson, GR tryggði sér svo þriðja sætið með öruggum sigri gegn Ólafi Birni Loftssyni úr GKG. Þess má til gamans geta að þegar komið var í 8 manna úrslit í karla og kvennaflokki voru 9 af 16 kylfingum sem fóru upp úr riðlunum úr Golfklúbbi Reykjavíkur. Hér má finna frétt af mótinu þar sem hægt er að skoða stöðu og skor keppenda Við óskum okkar fólki til hamingju með sigurinn og frábæran árangur um helgina. Áfram GR!

LIÐAKEPPNI GR 2020: J.LINDEBERG BIKARINN - SKRÁNING HAFIN

27. JÚNÍ 2020 Skráning er hafin í liðakeppni GR 2020. Styrktaraðili keppninnar í ár J.Lindeberg sem framleiðir frábæran fatnað fyrir kylfinga og er seldur í hjá Kultur menn í Kringlunni og í Örninn Golfverlsun Liðakeppni er keppni á milli golfhópa og er leikfyrirkomulag svipað og í sveitakeppni milli golfklúbba. Stór hluti kylfinga kynnist því aldrei að vera hluti af liði í golfíþróttinni en gefst hér tækifæri til að kynnast því. Þeir sem hafa tekið þátt í þessari keppni undanfarin ár hafa látið vel af og hefur mikil og góð stemming myndast meðal keppenda. Leikið er í riðlum, þar sem öll lið í hverjum riðli leika innbyrðis. Það fer eftir fjölda liða hve riðlarnir verða stórir en reikna má með 4-5 liðum í hverjum riðli. Riðlakeppnin fer fram í júlí mánuði. Að lokinni riðlakeppni hefst útsláttarkeppni 8 bestu liðanna. Útsláttarkeppnin verður leikin í ágúst. Mótinu lýkur með úrslitaleik í lok ágúst. Að leik loknum verður hátíðarkvöldverður og allir leikmenn beggja liða fá verðlaun frá J.Lindeberg. Keppnin er fyrir alla klúbbmeðlimi 19 ára og eldri, þannig að karlahópar, kvennahópar eða blönduð lið eru gjaldgeng. Leikið er með fullri forgjöf í liðakeppni. Þátttökugjald er 6.000 krónur á hvert lið og greiðist við skráningu. Skráning er hafin og fer fram í gegnum mótakerfi Golfbox - Hér er hlekkur á skráningu Allir leikirnir í keppninni verða leiknir á Korpúlfstaðavelli og koma liðin sér saman um leikdag innan auglýstra tímamarka. Leiknar eru 9 holur í hverri viðureign. Í hverjum leik keppa 4 leikmenn fyrir sitt lið, þar sem fram fara 2 holukeppnisleikir (tvímenningur) og einn leikur þar tveir leika saman í liði og betra skor gildir á hverri holu (fjórleikur). Í úrslitaleik keppninnar keppa 8 leikmenn fyrir hvort lið. Skrá þarf liðsstjóra og gefa upp símanúmer og netfang hjá viðkomandi. Mótsstjóri er Atli Þór Þorvaldsson og er hægt að senda fyrirspurnir vegna liðakeppni á atli@grgolf.is Skráningarfrestur er til miðvikudagsins 1. júlí.

OPNA ÖRNINN GOLFVERSLUN LEIKIÐ Í RJÓMABLÍÐU Í DAG – ÚRSLIT

27. JÚNÍ 2020 Opna Örninn Golfverslun var leikið á Korpúlfsstaðavelli í rjómablíðu í dag, völlurinn tók vel á móti keppendum sem léku við kjöraðstæður í dag. Alls voru 135 keppendur skráðir til leiks og keppt var í þremur flokkum. Úrslit úr mótinu urðu þessi: Punktakeppni karla: Heiðar Atli Styrkársson, GM – 44 punktar (betri á seinni 9) Sigfús Jón Helgason, NK – 44 punktar Vignir Bragi Hauksson, GR – 43 punktar Punktakeppni kvenna: Anna Úrsúla Gunnarsdóttir, GR – 42 punktar Karitas Sigurvinsdóttir, GS – 37 punktar (betri á seinni 9) Nína Vigdísard. Björnsdóttir, GR – 37 punktar Höggleikur án forgjafar: Guðmundur Ágúst Kristjánsson, GR – 66 högg Arnór Ingi Finnbjörnsson, GR – 70 högg Páll Birkir Reynisson, GR – 72 högg Við þökkum keppendum öllum fyrir þátttökuna í mótinu og óskum sigurvegurum til hamingju með sinn árangur. Hægt verður að nálgast vinninga úr mótinu hjá Örninn Golfverslun, Bíldshöfða 9, frá og með mánudegi 29. júní. Golfklúbbur Reykjavíkur í samtarfi við Örninn Golfverslun

SVEITIR GR STÓÐU SIG FRÁBÆRLEGA Á ÍSLANDSMÓTI GOLFKLÚBBA

29. JÚNÍ 2020 Íslandsmóti golfklúbba 15 ára og yngri og 18 ára yngri lauk í gær en þar voru 7 sveitir frá GR í eldlínunni frá fimmtudegi til laugardags. Sveitir GR stóðu sig frábærlega og voru Golfklúbbi Reykjavíkur til mikils sóma innan vallar sem utan. Á Hellu sigruðu sveitir GR í úrslitum Íslandsmeistaratitla í bæði stúlkna og piltaflokki 18 ára og yngri. Stúlkurnar unnu sannfærandi sigur í 4 liða riðli og piltarnir lögðu sveit GKG af velli í spennandi úrslitaleik. Sveit Grafarholts í piltaflokki stóð sig einnig frábærlega, tapaði einungis einum leik í allri keppninni en innbyrðis sigrar stóðu í vegi fyrir leik um verðlaunasæti í dag en piltarnir unnu sannfærandi sigur í leik gegn GOS um 5. Sæti. Í keppni 15 ára og yngri Akranesi tóku fjórar ungar sveitir þátt fyrir hönd GR og stóðu sig frábærlega. Stelpurnar í sveit Korpu tryggðu sér Íslandsmeistaratitilinn með sannfærandi sigri í úrslitaleik gegn GM. Drengjasveit Korpu tryggði sér þriðja sætið á ævintýranlegan hátt í bráðabana í fjórmenningsleiknum. Sveitir Grafarholts stóðu sig einnig gríðarlega vel og voru allir liðsmenn sveitanna að sækja mikla og góða reynslu fyrir framtíðina með frábærri frammistöðu og eldskírn í þessu stóra verkefni. Stelpusveit Grafarholts endaði í 9.sæti og drengjasveit Grafarholts í 11. sæti. Þetta verkefni er stórt og krefst öflugrar samvinnu liðsmanna, liðsstjóra, þjálfara og síðast en ekki síst foreldranna sem fylgja sveitunum eftir og létta undir störfum þjálfaranna með því að ganga í hin ýmsu verk sem fylgja mótinu og spila stórt hlutverk í því að allt saman gangi sem best fyrir sig og að upplifun barnanna verði sem best. Við þökkum þeim öllum fyrir sitt framlag. Við óskum sveitum GR og öllum GR-ingum til hamingju með árangur helgarinnar. 18 ÁRA & YNGRI (HELLA) Korpa Arnór Tjörvi Þórsson Böðvar Bragi Pálsson Dagbjartur Sigurbrandsson Finnur Gauti Vilhelmsson Tómas Eiríksson Hjaltested Grafarholt Arnór Már Atlason Bjarni Þór Lúðvíksson Egill Orri Valgeirsson Ísleifur Arnórsson Jóhann Frank Halldórsson Kjartan Sigurjón Kjartansson Liðsstjóri: Hákon Örn Magnússon Korpa Auður Sigmundsdóttir Ásdís Valtýsdóttir Bjarney Ósk Harðardóttir Jóhanna Lea Lúðvíksdóttir Nína Margrét Valtýsdóttir 15 ÁRA OG YNGRI (AKRANES) Korpa Berglind Ósk Geirsdóttir Brynja Dís Viðarsdóttir Helga Signý Pálsdóttir Pamela Ósk Hjaltadóttir Perla Sól Sigurbrandsdóttir Þóra Sigríður Sveinsdóttir Grafarholt Ágústa María Valtýsdóttir Erna Steina Eysteinsdóttir Gabríella Neema Stefánsdóttir Margrét Jóna Eysteinsdóttir Ninna Þórey Björnsdóttir Ragna Lára Ragnarsdóttir Korpa Elías Ágúst Andrason Eyþór Björn Emilsson Fannar Grétarsson Halldór Viðar Gunnarsson Hjalti Kristján Hjaltason Tryggvi Jónsson Grafarholt Daníel Björn Baldursson Daniel Sean Hayes Heimir Krogh Haraldsson Ingimar Jónasson Jón Eysteinsson Valdimar Kristján Ólafsson

ALVÖRU SKOR Á ICELANDAIR CARGO MÓTARÖÐINNI – BÖÐVAR BRAGI SETTI NÝTT VALLARMET, 62 HÖGG

1. JÚLÍ 2020 Það var alvöru skor sem skilaði sér inn á Icelandair Cargo mótaröðinni sem leikin var hjá ungmennum klúbbsins í gær. Dagbjartur Sigurbrandsson kom í hús á 63 höggum og jafnaði um leið vallarmet Andra Þórs Björnssonar. Stuttu síðar kom Böðvar Bragi Pálsson, félagi hans í hús á 62 höggum og setti þar með nýtt vallarmet. Fleiri góð skor skiluðu sér inn í umferð gærdagsins og er ljóst að okkar mörgum tókst að lækka forgjöfina. Við óskum drengjunum til hamingju með frábær skor og Böðvari Braga til hamingju með nýtt vallarmet á lykkjunum Landið/Áin á Korpu.

ÁFRAM SNERTILAUST GOLF HJÁ GR

1. JÚLÍ 2020 Eins og félagar okkar þekkja hefur verið snertilaust golf hjá okkur frá opnum valla í vor. Það þýðir að bannað er að koma við stöngina og engar hrífur eru í glompum. Stjórn klúbbsins hefur komist að þeirri niðurstöðu að áfram skal leika snertilaust golfi á völlum GR. Eins og allir vita hefur farið að bera á nýjum tilfellum í faraldrinum og til þess að leika megi golf án takmarkana samkvæmt reglum sóttvarnarlæknis þarf klúbburinn að sótthreinsa alla snertifleti, allar stangir og allar hrífur, þrisvar á dag hið minnsta. GR getur ekki ábyrgst að snertifletir séu sótthreinsaðir og því mælir stjórn klúbbsins með því að áfram verði leikið snertilaust golf. Í því felst að bannað er að snerta stöngina og áfram verða engar hrífur í glompum, enda er það mat stjórnar að reglurnar séu mikilvægar og lítt íþyngjandi. Það er von okkar að félagsmenn sýni þessari ákvörðun áfram góðan skilning, hún er tekin með hag okkar allra í huga. Undantekning varðandi flaggstöng vegna Covid-19 Leikmenn mega miðjusetja flaggstöngina í holunni á öruggan hátt, sem felur ekki í sér að nota höndina, jafnvel ekki þótt þeir noti hanska eða handklæði (til dæmis með því að nota kylfu). Miðjusetning flaggstangarinnar væri heimil á meðan annar leikmaður leikur (þetta getur verið æskilegt við vindasamar aðstæður þegar skilyrt er að flaggstöngin sé í holunni og hún hallar að leikmanninum sem á að leika).

MEISTARAMÓT: LOKAHÓF BARNA & UNGLINGA

6. JÚLÍ 2020 Lokahóf og verðlaunaafhending barna og unglinga í Meistaramóti GR 2020 fer fram í golfskálanum Grafarholti þriðjudaginn 7. júlí kl. 18:00. Boðið verður upp á veitingar hjá Holtið klúbbhús. Allir keppendur fá afhenta aðgöngumiða í lokahóf ásamt glaðningi þegar ræst er út á lokadegi í mótinu. Framvísa þarf aðgöngumiðanum í veitingasölu Grafarholts þegar lokahóf fer fram. Við hvetjum alla þátttakendur, foreldra og forráðamenn til að mæta í lokahóf og vera viðstödd verðlaunaafhendingu.

MEISTARAMÓT: ÞRIGGJA DAGA KEPPNI LAUK Í DAG - ÚRSLIT

7. JÚLÍ 2020 Þriggja daga keppni í Meistaramóti GR 2020 er nú lokið og er hægt að sjá stöðu og úrslit úr þessum hluta mótsins í mótaskrá á Golfbox. Helstu úrslit þeirra flokka sem kepptu í þriggja daga móti urðu þessi: 70 ára og eldri konur Kristín Dagný Magnúsdóttir, 283 Anna Laxdal Agnarsdóttir, 311 Margrét S. Nielsen, 316 70 ára og eldri karlar Bjarni Jónsson, 231 Friðgeir Óli Sverrir Guðnason, 238 Viktor Ingi Sturlaugsson, 239 50 ára+ konur fgj.26,5-54 Þorbjörg Ásgeirsdóttir 312 Lilja Viðarsdóttir 324 Sólveig Jóhanna Haraldsdóttir 325 50 ára+ karlar fgj.20,5-54 Sveinbjörn Örn Arnarson, 298 Jón Jónsson, 311 Sigurður Haukur Magnússon, 316 50 ára+ konur fgj,16,5-26,4 Rebecca Oqueton Yongco, 279 Hafdís Hafsteinsdóttir, 284 Sólveig Guðrún Pétursdóttir, 285 50 ára+ karlar fgj.10,5-20,4 Karl Emil Wernersson, 251 Stefán Þór Steinsen, 252 - vann í bráðabana Gunnar Þorsteinsson, 252 5.flokkur karla Guðmundur Þorgrímsson, 307 Hafsteinn Sigurjónsson,314 Sigurjón Gylfason, 318 4.flokkur kvenna Helga Tryggvadóttir, 324 Elsa Kristín Elísdóttir, 327 Dóra Eyland Garðarsdóttir, 342 4.flokkur karla Pétur G Thorsteinsson, 264 Ricardo Mario Villalobos, 268 Egill Tryggvason, 276 - vann í bráðabana 3.flokkur kvenna Guðný Ásta Snorradóttir, 308 Ásta B. Haukdal Styrmisdóttir, 312 Kristín Jóhanna Hirst, 313 3.flokkur karla Sigurður Þór Sveinsson, 262 Steinar Karl Hlífarsson, 266 Hörður Grétar Olavsson, 267 - vann í bráðabana

MEISTARAMÓT: BARNA & UNGLINGAFLOKKAR – ÚRSLIT

7. JÚLÍ 2020 Lokahóf og verðlaunaafhending Meistaramóts barna og unglinga fór fram í Grafarholtinu í kvöld og mættu keppendur kátir eftir þrjá frábæra keppnisdaga. Úrslit yngri flokka urðu þessi: 10 ára og yngri hnátur Ragna L Ragnarsdóttir, 346 Eiríka M Stefánsdóttir, 376 10 ára og yngri hnokkar Ingimar Jónasson, 301 Tristan Steinbekk H. Björnsson, 323 Sölvi Dan Kristjánsson, 358 11-14 ára telpur fgj.24-54 Ninna Þórey Björnsdóttir, 306 Gabríella Neema Stefánsdóttir, 308 Margrét Jóna Eysteinsdóttir, 334 11-14 ára drengir fgj.24-54 Nói Árnason, 266 Jón Eysteinsson, 275 Benedikt Líndal Heimisson, 311 11-14 ára telpur fgj.0-23,9 Pamela Ósk Hjaltadóttir, 257 Brynja Dís Viðarsdóttir, 279 Þóra Sigríður Sveinsdóttir, 285 11-14 ára drengir fgj.0-23,9 Elías Ágúst Andrason, 228 Hjalti Kristján Hjaltason,242 Fannar Grétarsson, 252 15-16 ára strákar Jóhann Frank Halldórsson, 229 Ísleifur Arnórsson, 238 Eyþór Björn Emilsson, 250 Við þökkum öllum ungmennum klúbbsins fyrir þátttöku í Meistaramóti og vinningshöfum til til hamingju með flottan árangur.

MEISTARMÓT: RAGNHILDUR KRISTINSDÓTTIR OG BÖÐVAR BRAGI PÁLSSON NÝIR KLÚBBMEISTARAR GR

12. JÚLÍ 2020 Meistaramótsviku lauk í gær með glæsilegu lokahófi á 2. hæð Korpunnar, mótið fór vel fram og voru keppendur tæplega sex hundruð. Bongóblíða lék við keppendur í þriggja daga keppni en á miðvikudag breyttust bæði áttir og hitastig á keppendur í fjögurra daga keppni. Metfjöldi þátttakenda skráði sig til leiks í meistaraflokk karla og kvenna og var samkeppnin þar af leiðandi mikil. Það voru þau Ragnhildur Kristinsdóttir og Böðvar Bragi Pálsson sem urðu sigurvegarar móstsins en þau luku bæði leik á samtals -10. Við óskum nýjum klúbbmeisturum innilega til hamingju með titilinn. Öll úrslit úr mótinu og stöðu má finna í mótaskrá á Golfbox en helstu úrslit flokkana urðu þessi: 70 ára og eldri konur Kristín Dagný Magnúsdóttir, 283 Anna Laxdal Agnarsdóttir, 311 Margrét S. Nielsen, 316 70 ára og eldri karlar Bjarni Jónsson, 231 Friðgeir Óli Sverrir Guðnason, 238 Viktor Ingi Sturlaugsson, 239 50 ára+ konur fgj.26,5-54 Þorbjörg Ásgeirsdóttir 312 Lilja Viðarsdóttir 324 Sólveig Jóhanna Haraldsdóttir 325 50 ára+ karlar fgj.20,5-54 Sveinbjörn Örn Arnarson, 298 Jón Jónsson, 311 Sigurður Haukur Magnússon, 316 50 ára+ konur fgj,16,5-26,4 Rebecca Oqueton Yongco, 279 Hafdís Hafsteinsdóttir, 284 Sólveig Guðrún Pétursdóttir, 285 50 ára+ konur fgj,0-16,4 Ásgerður Sverrisdóttir, 319 Lára Eymundsdóttir, 341 Auður Jóhannsdóttir, 342 50 ára+ karlar fgj.10,5-20,4 Karl Emil Wernersson, 251 Stefán Þór Steinsen, 252 - vann í bráðabana Gunnar Þorsteinsson, 252 50 ára+ karlar fgj.0-10,4 Sigurjón Arnarsson, 289 - vann í bráðabana Helgi Anton Eiríksson, 289 Frans Páll Sigurðsson, 299 5.flokkur karla Guðmundur Þorgrímsson, 307 Hafsteinn Sigurjónsson,314 Sigurjón Gylfason, 318 4.flokkur kvenna Helga Tryggvadóttir, 324 Elsa Kristín Elísdóttir, 327 Dóra Eyland Garðarsdóttir, 342 4.flokkur karla Pétur G Thorsteinsson, 264 Ricardo Mario Villalobos, 268 Egill Tryggvason, 276 - vann í bráðabana 3.flokkur kvenna Guðný Ásta Snorradóttir, 308 Ásta B. Haukdal Styrmisdóttir, 312 Kristín Jóhanna Hirst, 313 3.flokkur karla Sigurður Þór Sveinsson, 262 Steinar Karl Hlífarsson, 266 Hörður Grétar Olavsson, 267 - vann í bráðabana 2.flokkur kvenna Margrét Þorvaldsdóttir, 363 Hjördís Jóna Kjartandsdóttir, 369 Björk Unnarsdóttir, 370 2.flokkur karla Arnar Már Hafþórsson, 326 Stefán Aðalbjörnsson, 330 - vann í bráðabana Egill Gautur Steingrímsson, 330 1.flokkur kvenna Ásta Óskarsdóttir, 318 Harpa Ægisdóttir, 334 Signý Marta Böðvarsdóttir, 341 1.flokkur karla Óttar Helgi Einarsson, 302 Kjartan Tómas Guðjónsson, 307 Jón Bergþórsson, 308 Meistaraflokkur kvenna Ragnhildur Kristinsdóttir, 276 Ólafía Þórunn Kristinsdóttir, 283 Eva Karen Björnsdóttir, 290 Meistaraflokkur karla Böðvar Bragi Pálsson, 276 Andri Þór Björnsson, 278 Jóhannes Guðmundsson, 279 Golfklúbbur Reykjavíkur þakkar öllum félagsmönnum fyrir þátttökuna í Meistaramóti GR 2020 og vinningshöfum til hamingju með sinn árangur!

MEISTARAMÓT: LOKAHÓF & VERÐLAUNAAFHENDING LAUGARDAGINN 11. JÚLÍ

8. JÚLÍ 2020 Lokahóf & verðlaunaafhending Meistaramóts GR 2020 verður haldið á 2. hæð Korpunnar laugardagskvöldið 11. júlí. Allir þátttakendur í mótinu fá afhentan aðgöngumiða í lokahóf á síðasta keppnisdegi sem framvísa þarf hjá starfsfólki í veitingasölu þegar mætt er á laugardag. Salurinn opnar kl. 18:00 og verður boðið upp á veitingar að hætti Korpa klúbbhús, taka skal tillit til þess að salurinn verður tvísetinn og því ekki úr vegi að mæta snemma og fylgjast með keppendum ljúka leik, live-skor verður birt á skjá á báðum hæðum hússins. Á meðan beðið er eftir að meistaraflokkar ljúki leik ætlar Matti Matt Eurovisinstjarna að halda uppi fjörinu fyrir matargesti. Verðlaunaafhending er áætluð um kl. 20:30. Þegar klúbbmeistarar GR 2020 hafa verið krýndir verða settir í gang ljúfir tónar en vegna sóttvarnarlaga í tengslum við Covid-19 mun lokahófi ljúka kl. 23:00. Fyrir þá sem ekki taka þátt í mótinu en vilja mæta í Lokahóf – borða og gleðjast með okkur á laugardag þá er hægt að kaupa miða hjá Korpa klúbbhús og er verðið kr. 4.950. Nokkur atriði: 20 ára aldurstakmark er á svæðið Ekki þarf að skrá sig sérstaklega í Lokahóf Mikilvægt er að muna eftir aðgangsmiða Hlökkum til að gleðjast með ykkur á laugardag! Golfklúbbur Reykjavíkur

MEISTARAMÓT: AFREK MÓTSINS

13. JÚLÍ 2020 Meistaramóti GR 2020 lauk um helgina og voru keppendur tæplega sex hundruð. Þrír kylfingar náðu því afreki að fara holu í höggi. Gunnar Sveinn Magnússon Korpa 3. braut föstudaginn 10. júlí Jón Ásgeir Einarsson Korpa 6. braut miðvikudaginn 8. júlí Jens Valur Ólason Korpa 13. braut sunnudaginn 5. júlí Ragnhildur Kristinsdóttir setti nýtt vallarmet og fór Korpúlfsstaðvöll lykkjurnar Sjórinn/Áinn á 66 höggum. Golfklúbbur Reykjavíkur óskar þeim til hamingju með þennan frábæra árangur og þakkar öllum keppendum fyrir þáttökuna!

ANDRI ÞÓR, GUÐMUNDUR ÁGÚST OG HARALDUR FRANKLÍN ALLIR MEÐ Á ÁSKORENDAMÓTI VIKUNNAR

15. JÚLÍ 2020 GR - ingarnir Andri þór Björnsson, Guðmundur Ágúst Kristjánsson og Haraldur Franklín Magnús verða allir á meðal keppenda á Euram Bank Open mótinu í vikunni en mótið er hluti af Áskorendamótaröð Evrópu. Mótið haldið dagana 15. - 18 júlí í Austurríki á Adamstal Golf Club og fer Guðmundur Ágúst af stað kl 10:15, Haraldur Franklín kl 11:20 og Andri Þór kl 11:30 í dag. Hér er hægt að fylgjast með stöðunni í mótinu: https://www.europeantour.com/european-tour/euram-bank-open-2020/leaderboard Við sendum baráttukveðjur til okkar manna og fylgjumst spennt með gangi mála næstu daga! Áfram GR!

REYKJAVÍK JUNIOR OPEN: FYRSTU UMFERÐ AFLÝST

17. JÚLÍ 2020 1. umferð sem fara átti fram í dag, föstudaginn 17.júlí hefur verið aflýst vegna veðurs. Mótið verður því 36 holur. Rástímar fyrir laugardaginn 18.júlí hafa verið birtir inn á golf.is undir mótaskrá. Búið er að opna fyrir rástímabókun á Grafarholtsvelli í dag.

REYKJAVÍK JUNIOR OPEN: KREFJANDI AÐSTÆÐUR Á FYRRI KEPPNISDEGI

18. JÚLÍ 2020 Fyrri keppnisdagur í Reykjavík Junior Open var leikinn í dag við fremur krefjandi aðstæður og stóðu keppendur sig eins og hetjur. Seinni keppnisdagur hefst í fyrramálið kl. 8:00 og hafa rástímar morgundagsins verið birtir á golf.is Staðan í flokkum: Stúlkur 14 ára og yngri Perla Sól Sigurbrandsdóttir, 79 högg Dagbjört Erla Baldursdóttir, 83 högg Fjóla Margrét Viðarsdóttir, 86 högg Piltar 14 ára og yngri Veigar Heiðarsson, 76 högg Hjalti Jóhansson, 77 högg Markús Marelsson og Skúli Gunnar Ágústsson, 78 högg Stúlkur 15-16 ára María Eir Guðjónsdóttir, 76 högg Nína Margrét Valtýsdóttir, 80 högg Bjarney Ósk Harðardóttir, 83 högg Piltar 15-16 ára Óskar Páll Valsson og Bjarni Þór Lúðvíksson, 76 högg Jóhann Frank Halldórsson og Róbert Leó Arnórsson, 79 högg Stúlkur 17-18 ára Kristín Sól Guðmundsdóttir, 89 högg Piltar 17-18 ára Arnór Daði Rafnsson, 77 högg Mikael Máni Sigurðsson og Kjartan Sigurjón Kjartansson, 80 högg Piltar 19-21 árs Bjarki Steinn L. Jónatansson, 85 högg Anton Elí Einarsson, 87 högg Finnbogi Steingrímsson, 93 högg Lengstu upphafshögg á 3. braut áttu Skúli Gunnar Ágústsson Katrín Hörn Daníelsdóttir Golfklúbbur Reykjavíkur

REYKJAVÍK JUNIOR OPEN: FRÁBÆR HELGI AÐ BAKI - ÚRSLIT

19. JÚLÍ 2020 Um helgina fór fram í Grafarholtinu Reykjavík Junior Open, spilað var laugardag og sunnudag og var mótið glæsilegt í alla staði. Krefjandi aðstæður voru á laugardeginum þar sem hvasst var í veðri en ungu kylfingarnir stóðu sig eins og hetjur og spiluðu flott golf. Alls voru 130 keppendur frá öllu landinu og höfðu þeir kylfingar þátttökurétt sem eru 21 árs og yngri, var keppnin hörð og jöfn. Veitt voru verðlaun fyrir þrjú efstu sætin í hverjum flokki og lengsta upphafshögg a þriðju braut í karla og kvenna flokki. Stúlkur 14 ára og yngri Perla Sól Sigurbrandsdóttir GR, 155 högg Fjóla Margrét Viðarsdóttir GS, 167 högg Helga Signý Pálsdóttir GR, 171 högg Piltar 14 ára og yngri Veigar Heiðarsson GA, 144 högg Hjalti Jóhannsson GK, 150 högg Elías Ágúst Andrason GR og Skúli Gunnar Ágústsson GA, 154 högg Stúlkur 15-16 ára María Eir Guðjónsdóttir GM, 156 högg Nína Margrét Valtýsdóttir GR, 158 högg Katrín Sól Davíðsdóttir GM, 159 högg Piltar 15-16 ára Bjarni Þór Lúðvíksson GR, 149 högg Óskar Páll Valsson GA, 150 högg Jóhannes Sturluson GKG, 151 högg Stúlkur 17-18 ára Kristín Sól Guðmundsdóttir GM, 169 högg Piltar 17-18 ára Logi Sigurðsson GS, 151 högg Mikael Máni Sigurðsson GA, 152 högg Björn Viktor Viktorsson GL, 154 högg Piltar 19-21 árs Bjarki Steinn L. Jónatansson GK, 166 högg Anton Elí Einarsson GB, 168 högg Finnbogi Steingrímsson GÖ, 179 högg Önnur úrslit má finna á golf.is Laugardagur - lengsta upphafshögg Katrín Hörn Daníelsdóttir Skúli Gunnar Ágústsson Sunnudagur - lengsta upphafshögg Elsa Maren Steinarsdóttir Jón Gunnar Kanishka Shiransson Við þökkum keppendum kærlega fyrir þátttökuna og vinningshöfum til hamingju með sinn árangur í mótinu. Styrktaraðilar Reykjavík Junior Open fá einnig kærar þakkir fyrir að gera mótið að veruleika með okkur. Golfklúbbur Reykjavíkur