Jason C. Clark I

(1960-85)

1960 Hugh Basketts

1961 Helgi Jakobsson

1962 Kári Elíasson

1963 Þorvarður Árnason

1964 Ragnar J. Jónsson

1965 Hannes Hall

1966 Sigurjón Hallbjörnsson

1967 Jón Þór Ólafsson

1968 Ólafur Skúlason

1969 Þórir Sæmundsson

1970 Garðar Halldórsson

1971 Vilhjálmur Árnaosn

1972 Arnkell B. Guðmundsson

1973 Albert Wathne

1974 Ari Guðmundsson

1975 Sverrir Norland

1976 Sæmundur Pálsson

1977 Lárus Arnórsson

1978 Sigurður Hafsteinsson

1979 Árni Jakobsson

1980 Frans P. Sigurðsson

1981 Steinar Þórisson

1982 Steinar Þórisson

1983 Ívar Harðarsson

1984 Ólafur Gunnarsson

1985 Stefán Sæmundsson

Jason C. Clark II

(1986-97)

1986 Jóhann Friðbjörnsson

1987 Kristján G. Bjarnason

1988 Finnur Oddsson

1989 Ástráður Sigurðsson

1990 Karl Ómar Jónsson

1991 Ingvar Ágústsson

1992 Hilmar Herbertsson

1993 Gísli Blöndal

1994 Ásgeir Karlsson

1995 Axel Skúlason

1996 Grímur Kolbeinsson

1997 Óskar Sæmundsson

Minningarmót Jason C. Clark

Á forsíðu Dagblaðsins Vísis þann 9. mars 1959 var grein með fyrirsögninni: ,,Banaslys í Keflavík. Bandaríkjamaður varð undir jarðýtu". Í fréttinni var sagt frá óhugnalegu slysi á varnarsvæðinu á Keflavíkurflugvelli. Nokkrir ungir foringjar í hernum höfðu fengið vörubíl til að draga sig á skíðum.  ,,Vörubifreiðin ók þar um veginn, sem jarðýta var að verki við að ryðja snjó, og var henni ekið aftur á bak, þegar vörubifreiðin var komin fram hjá henni og um leið og skíðamennirnir runnu hjá. Vissu menn þá ekki fyrri til en að einn þeirra rann til og féll fyrir aftan ýtuna, sem rann þegar á hann ofan og beið hann þegar bana."

Skíðamaðurinn sem varð undir jarðýtunni var Jason C. Clark, 25 ára gamall liðsforingi frá New Hamsphire og einn þeirra varnarliðsmanna sem léku golf á gamla golfvellinum við Öskjuhlíð. Til að minnast hans gaf fjölskylda hins látna háan marmarabikar sem bar áletrunina Jason C. Clark Memorial Trophy sem keppt var um hjá Golfklúbbi Reykjavíkur til ársins 1985. Jason C. Clark bikarinn var farandgripur og veittur þeim kylfingi sem lék á fæstum höggum með forgjöf.

Á árinu 1986, 27 árum eftir fráfall Jason Clark, komu þrjú systkini hans hingað til lands og kepptu á minningarmóti bróður síns í Grafarholtinu og var þá nýr verðlaunagripur tekinn í notkun, tréplatti með mynd af Jason Clark og svæði fyrir neðan þar sem hægt var að koma fyrir gylltum plötum með nafni sigurvegara. Sá gripur var í umferð til 1997 en þá var síðasta mótið, það 38. í röðinni haldið.

Jafnhliða einstaklingskeppninni um Jason Clark bikarinn, háðu kylfingar úr GR og varnarliðsmenn árlega keppni um nokkurra ára skeið. Fyrsta keppnin var leikin árið 1955 en árið 1960 var í fyrsta skipti keppt um annan bikar í minningu Clark, L.t. Jason C. Clark Memoriam. Leikið var um þann bikar á árunum 1960-67 og á árinu 1975 og höfðu reykvískir sigur í öllum keppnunum nema tveimur, þeirri fyrstu og árið 1964. Ásókn varnarliðsmanna í að leika í Reykjavík virðist hafa farið þverrandi þegar á leið. Hugsanlega hafa bágbornar vallaraðstæður í Grafarholti átt einhvern þátt í því, en eflaust hefur uppgangur íþróttarinnar og stofnun Golfklúbbs Suðurnesja haft meira með það að gera að varnarliðsmenn þurftu ekki að sækja golf alla leið til Reykjavíkur.