Opna GR - golfmyndir


Leikið um GR-bikarinn frá 1978

Eitt þekktasta opna mót ársins og eitt það langlífasta er Opna GR. Mótinu var hleypt af stokkunum 1978. Ari Guðmundsson, fyrrum formaður GR og eiginkona hans Katla Ólafsdóttir, gáfu GR-bikarinn sem keppt skyldi um í 36 holu keppni með betri bolta fyrirkomulagi. Á fyrsta mótinu, 1978 var bifreið í verðlaun fyrir að fara holu í höggi, sem þá var nýmæli. Opna GR var í hugum margra einn af stórviðburðum hvers golfsumars og mikið stemningsmót eins og gjarnan fylgir liðakeppni og lengri mótum, þar sem leikið er um góð verðlaun. Fram undir aldamót voru skor liðanna færð inn handvirkt á stóra upplýsingatöflu í klúbbhúsinu í Grafarholti og þá freistuðust margir til að hinkra við í klúbbhúsinu til að fylgjast með breytingum á stöðu liða. Sá háttur hefur verið hafður á við verðlaunaafhendingu, að keppendur fá sjálfir að velja sér verðlaun, eftir þeirri röð sem þeir höfnuðu á mótinu.

Keppnisfyrirkomulag mótsins er eins og áður sagði, fjórmenningur, öðru nafni betri bolti þar sem tveir eru í hverju liði og betra skor liðsfélaga með forgjöf telur á hverri holu. Þetta fyrirkomulag gerir það að verkum að allir, forgjafarháir, sem lágir eiga svipaða möguleika, en þá þurfa keppendur að hitta á tvo góða daga og skor að falla vel saman. Dæmi eru um að forystulið eftir fyrri daginn, nái ekki að tryggja sér neitt af fjölmörgum vinningssætum að keppni lokinni, því keppnin í þessu móti er ávallt jöfn. Algengt er að vinningsskor sé 93-99 punktar.


Rúm fjörtíu ár eru síðan fyrsta mótið var haldið, en mótið féll niður árið 2016, sennilega vegna dræmra skráninga og sama var upp á teningnum rigningasumarið 2018. Opna GR er hins vegar komið á dagskrá að nýju og árið 2019 markar ákveðinn tímamót í sögu keppninnar, því keppt verður um bikarinn í  40. skipti helgina 27.-28. júlí.

Auslýsing - Opna GR 1978

Auglýsing úr dagblaði frá fyrsta Opna GR-mótinu.. Mótsgjald var 500 og verðlaun veitt fyrir ellefu efstu sætin.


Systkinin sigruðu 1980

Systkinin Óskar og Steinunn Sæmundsbörn sigruðu í Opna GR árið 1980 og urðu klúbbmeistarar GR sama ár.

Steina er sú eina

Opna GR er mót fyrir bæði kynin, en það hefur verið áberandi hve fáar konur hafa tekið þátt í mótinu. Kynjahlutfall sigurvegara á mótinu er að sama skapi ójafnt. Af þeim áttunda tug nafna sem grafin hafa verið á ,,Arafat", eins og verðlaunagripurinn var stundum kallaður á upphafsárunum, (í höfuðið á öðrum gefandanum), er aðeins eitt kvenmannsnafn. Það er nafn Steinunnar Sæmundsdóttur, en hún sigraði í mótinu með Óskari bróðir sínum árið 1980. Vonandi eiga fleiri kvenmannsnöfn eftir að bætast á bikarinn á næstu árum og þátttaka kvennna að verða almennari. Tíu konur skráðu sig til leiks í mótið 2015, sem sennilega var nokkur aukning frá árinu á undan, en til samanburðar þá voru karlarnir 154 talsins.

Hinn veglegi bikar sem keppt er um, hefur farið í eina andlitslyftingu. Lokið á verðlaunagripnum tapaðist seint á síðustu öld og þá var smíðað við bikarinn viðarlok og nýr stallur í stíl, til að koma nöfnum nýrra sigurvegara fyrir. Fyrir nokkrum árum týndist nýja lokið og bikarinn hefur því verið afhentur án höfuðfats síðustu árin.

Algengt er að Opna GR sé leikið síðsumars í Grafarholtinu, þó einnig sé að finna dæmi um ár þar sem leikið var á Korpúlfsstaðavelli og á báðum völlunum. Styrktaraðili mótsins undanfarin áratug hefur verið Heildsala Rolfs Johansens og keppnin hefur verið nefnd eftir vörum fyrirtækisins, Soccarade, Heineken og nú síðast Klaki. Báðir hringir mótsins árið 2019 verða leiknir á Grafarholtsvelli.


2019: Glæsilegt vallarmet hjá Guðmundi Ágúst

Guðmundur Ágúst Kristjánsson setti glæsilegt vallarmet af gulum teigum á fyrri hring mótsins árið 2019. Guðmundur lék á 60 höggum, ellefu höggum undir pari. Fyrra met var 62 högg, sett af Oddi Óla Jónassyni, NK árið 2017. Guðmundur Ágúst fékk fimm fugla á fyrri níu holunum (1.,2., 4., 8. og 9). Á seinni níu fékk hann örn á 12. holu og fugla á holum 14, 15, 17 og 18. Þess má geta að Guðmundur Ágúst lék síðari hringinn í mótinu á 64 höggum, en hann hefur átt frábært tímabil og tryggði sér fyrir skömmu keppnisrétt á Challenge-mótaröðina.

Sigurvegarar í Opna Klaki/GR urðu að þessu sinni þeir Þorgeir Ragnar Pálsson úr GÁS og Jóhann Ólafur Jónsson úr GR en þeir komu inn á 96 punktum. Þess má geta að skor keppenda var óvenju gott, sérstaklega fyrri daginn þegar 26 kylfingar fengu 37 punkta eða fleiri, þrátt fyrir nokkurn vind og rigningu á köflum.


1978

Elías Kárason GR

Ólafur H. Johnson GR

1979

Jóhannes Árnason

Gunnar Árnason

1980

Óskar Sæmundsson GR

Steinunn Sæmundsdóttir GR

1981

Stefán Unnarsson

Halldór Ingason

1982

Ragnar Ólafsson GR

Kristinn Ólafsson GR

1983

Loftur Ólafsson NK

Jóhann Einarsson NK

1984

Ólafur Gunnarsson GR

Hafþor Ólafsson GR

1985

Guðmundur Sigurjónsson GS

Ögmundur Ögmundsson GS

1986

Þorsteinn Lárusson GR

Guðlaugur Jóhannsson NK

1987

Jens Guðfinnur Jensson

Leifur Bjarnason

1988

Kristján Hansson GK

Már Gunnarsson GK

1989

Ástráður Sigurðsson GR

Finnur Oddsson GR

1990

Tryggvi Pétursson GR

Þorsteinn Sigurvinsson GR

1991

Böðvar Bergsson GR

Bergur Guðnason GR

1992

Björgvin Þorsteinsson GR

Sveinn Snorrason GR

1993

Sigurður Óli Jensson

Vilhjálmur Hjálmarsson

1994

Ingvar Ágústsson GR

Gunnsteinn Jónsson GK

1995

Stefán Gunnarsson GR

Ólafur H. Jónsson GR

1996

Ingibergur Jóhannsson GR

Steinþór Jónasson GR

1997

Ingibergur Jóhannsson GR

Steinþór Jóhannsson GR

1998

Sæmundur Pálsson GR

Sævar Pétursson GR

1999

Ragnar Már Gunnarsson

Jón Ingþórsson

2000

Haraldur Þórðarson

Guðmundur Hauksson

2001

Hans Isebarn

Matthías Einarsson

2002

Ólafur Björn Loftsson NK

Kári Björn Þorleifsson NK

2003

Jóhannes Eiríksson GR

Björn Steinar Árnason GR

2004

Svanþór Laxdal GKG

Jónas Gunnarsson GR

2005

Gestur Gunnarsson GKG

Jón Guðmundsson GKG

2006

Guðmundur Örn Gylfason GOB

Ágúst Axelsson GR

2007

Ingvar Guðjónsson GG

Bjarki Guðmundsson GG

2008

Bjartmar Daðason GB

Haukur Lárusson GR

2009

Jens Guðfinnur Jensson GR

Guðmundur Karl Gautason GR

2010

Örn Rúnar Magnússon GSF

Garðar Ingi Leifsson GK

2011

Guðjón Grétar Daníelsson GR

Lórenz Þorgeirsson GKG

2012

Snorri Ingvarsson GR

Einar Þór Atlason GK

2013

Hlynur Bergsson GKG

Ásbjörn Freyr Jónsson GKG

2014

Árni Bjarnason GK

Sigurður Gestsson GR

2015

Bjarki Ásgeirsson GSF

Stefán Þór Steinsen GR

2017

Sigurjón Ólafsson

Árni Freyr Sigurjónsson

2019

Þorgeir Ragnar Pálsson GÁS

Jóhann Ólafur Jónsson GR




Myndir af sigurvegurum Opna GR

Powered by SmugMug Log In