Hvítasunnubikarinn - golfmyndir


Keppt um Hvítasunnubikarinn í rúma sex áratugi

Saga Hvítasunnubikarsins hófst árið 1937 en það ár ákvað stjórn Golfklúbbs Íslands að útvega farandbikar til að keppa um á vorin. Þetta var þriðji bikarinn sem klúbburinn eignaðist og fyrst var keppt um hann á Golfvellinum í Laugardal það sama ár og var það síðasti kappleikur sem leikinn var á vellinum.  Á Hvítasunnudag fór fram höggleikur með forgjöf og daginn eftir kepptu efstu menn í holukeppni með forgjöf og hélst það fyrirkomulag á mótinu.

Bikarinn sem gefinn var af Friðþjófi Johnsen kaupmanni og keppt var um í upphafi var lítið stærri en eggjabikar og árið 1951, þegar búið var að keppa um bikarinn í 15 ár var svo komið að fleiri nöfn komust ekki fyrir á bikarnum. Var þá brugðið á það ráð, eftir tillögu Sigurjóns Hallbjörnssonar, að keyptur var stærri bikar og sá gamli silfurkveiktur ofan á. Keppt var í fyrsta sinn um endursmíðaða gripinn árið 1952 og nafn Sigurjóns var það fyrsta sem grafið var á nýja bikarinn. Síðast var keppt um bikarinn árið 1998 og keppni um Hvítasunnubikarinn, sú 63. í röðinni var fyrirhuguð árið eftir. Vegna slæms veðurs þann 15. maí 1999 var keppnin felld niður og ekki leikin það sumarið og Hvítasunnubikarinn hefur ekki verið á mótaskrá klúbbsins síðan.

Margir Íslands- og klúbbmeistarar fengu nafn sitt ritað á bikarinn. Sá sem sigraði oftast í keppninni var Ólafur Ágúst Ólafsson en hann var handhafi bikarsins í fimm ár. Óskar Sæmundsson sigraði fjórum sinnum í keppninni og Karl Ómar Jónsson, sem um margra ára skeið var veitingamaður í Grafarholti varð þrívegis sigurvegari. 

Bikarinn er að mati sumra félagsmanna einn af fallegri bikurum sem klúbburinn hefur eignast. Hann er þó ekki mjög tilkomumikill úr fjarlægð, en þegar hann er skoðaður nánar sést hve vel vandað hefur verið til smíðarinnar og hve áletranir eru smekklegar, þó erfitt sé að stauta sig fram úr nafni bikarsins. Hvítasunnubikarinn er sá verðlaunagripur sem lengst var í umferð og sá eini sem leikið var um á öllum þremur aðalvöllunum. Keppt var um bikarinn í Austurhlíð í Laugardal 1937, Golfvellinum við Öskjuhlíð 1938-62 og á Grafarholtsvelli 1963-1998.



Handhafar Hvítasunnubikars

1937 Ólafur Gíslason

1938 Ólafía Sigurbjörnsdóttir

1939 Frímann Ólafsson

1940 Karl Jónsson

1941 Benedikt Bjarklind

1942 Benedikt Bjarklind

1943 Jóhannes G. Helgason

1944 Jóhannes G. Helgason

1945 Ewald Berndsen

1946 Ólafur Ágúst Ólafsson

1947 Björn Pétursson

1948 Þorvaldur Ásgeirsson

1949 Ólafur Ágúst Ólafsson

1950 Guðlaugur Guðjónsson

1951 Ólafur Ágúst Ólafsson

1952 Sigurjón Hallbjörnsson

1953 Ingólfur Isebarn

1954 Þorvaldur Ásgeirsson

1955 Ólafur Bjarki Ragnarsson

1956 Gunnar Böðvarsson

1957 Ólafur Bjarki Ragnarsson

1958 Helgi Jakobsson

1959 Ólafur Ágúst Ólafsson

1960 Ólafur Ágúst Ólafsson

1961 Pétur Björnsson

1962 Pétur Björnsson

1963 Hafsteinn Þorgeirsson

1964 Þorvarður Árnason

1965 Páll Ásgeir Tryggvason

1966 Viðar Þorsteinsson

1967 Hörður Ólafsson

1968 Einar Guðnason

1969 Gunnlaugur Ragnarsson

1970 Ólafur Skúlason

1971 Óskar Sæmundsson

1972 Haukur V. Guðmundsson

1973 Arnkell B. Guðmundsson

1974 Geir Svansson

1975 Hilmar Þórðarson

1976 Ragnar Ólafsson

1977 Svan Friðgeirsson

1978 Sigurður Hafsteinsson

1979 Óskar Sæmundsson

1980 Óskar Sæmundsson

1981 Karl Ómar Jónsson

1982 Stefán Unnarsson

1983 Kristinn Ólafsson

1984 Sigurjón Arnarsson

1985 Ívar Harðarson

1986 Gunnar Árnason

1987 Ragnar Guðmannsson

1988 Karl Ómar Jónsson

1989 Viðar Þorsteinsson

1990 Karl Ómar Jónsson

1991 Óskar Sæmundsson

1992 Sveinn Ásgeir Baldursson

1993 Helgi Ólafsson

1994 Jón Aspar

1995 Þorsteinn Þorsteinsson

1996 Ólafur S. Jakobsson

1997 Símon I. Þórðarson

1998 Ólafur S. Jakobsson


Powered by SmugMug Log In