Meistarabikar kvenna - golfmyndir


Fyrst keppt um bikarinn 1938

Meistarabikar kvenna er veittur fyrir sigur á Meistaramóti klúbbsins og er bikarinn sá elsti sem keppt er um á vegum klúbbsins. Keppt hefur verið um þennan grip frá 1938, reyndar með nokkrum hléum, því keppni féll niður árið 1947 vegna þátttökuleysis og síðan í heil átján ár, á tímabilinu frá 1949-1966.  Þetta hlé stafar helst af því hve fáar konur léku golf hjá klúbbnum og á landsvísu, sem sést best á því að ekki var keppt í Íslandsmóti kvenna fyrr en árið 1967,, aldarfjórðungi á eftir körlunum.

Leikið var um Meistarabikar kvenna hjá GR í 60. skiptið árið 2016 og sautján konur hafa á þessum tíma orðið klúbbmeistarar. Eitt nafn kemur fyrir mun oftar en önnur, en það er  Ragnhildur Sigurðardóttir sem hampaði þessum antíkgrip í tuttugasta skiptið árið 2016.

Bikarinn var gefinn af Magnúsi Kjaran stórkaupmanni árið 1938 og var þá annar tveggja bikara sem gefnir voru klúbbnum fyrir kvennakeppni. Hinn var Afmælisbikar kvenna, gefinn af hjónunum Helga H. Eiríkssyni og Jóhönnu Pétursdóttur sama ár, en sú keppni á sér enn stopulli sögu og nokkuð er síðan sú keppni leið undir lok.

Reglur fyrir Meistarabikar kvenna

Reglur fyrir Meistarabikar kvenna í Golfklúbb Islands. (Gefinn af Magnúsi Kjaran).

1. gr. Bikarinn er gefinn Golfklúbb íslands, eða þeim golfklúbb í Reykjavík, er tekur við af honum, til þess að um hann verði árlega háð meistarakeppni meðal kvenna í klúbbnum.

2. gr. Keppni þessi skal fara fram árlega á tímabilinu 15. ágúst til 15. október, eftir nánari ákvörðun kappleikanefndar.

3. gr. Bikarinn er farandbikar og vinnst því ekki til eignar. En á hverju ári veitir klúbburinn þeim, er vinnur meistaratitilinn, minnispening úr silfri, er ávallt sé af sömu stærð (3,7 cm. í þvermál), og sé á hann letrað nafn vinnanda, ártalið og orðin „meistari G. 1.".

4. gr. Á vetrum geymir síðasti vinnandi bikarinn, en á sumrum geymist hann í klúbbhúsi Golfklúbbs Islands.

5. gr. Nöfn þeirra, er vinna í keppni þessari, skal grafa á bikarinn með tilheyrandi ártali.


Meistarabikar kvenna - handhafar

1938 Herdís Guðmundsdóttir

1939 Herdís Guðmundsdóttir

1940 Ólafía Sigurbjörnsdóttir

1941 Ólafía Sigurbjörnsdóttir

1942 Ragnheiður Guðmundsdóttir

1943 Ólafía Sigurbjörnsdóttir

1944 Herdís Guðmundsdóttir

1945 Herdís Guðmundsdóttir

1946 Anna Kristjánsdóttir

1948 Herdís Guðmundsdóttir

1967 Ólöf Geirsdóttir

1968 Laufey Karlsdóttir

1969 Elísabet Möller

1970 Laufey Karlsdóttir

1971 Laufey Karlsdóttir

1972 Laufey Karlsdóttir

1973 Ágústa Guðmundsdóttir

1974 Ágústa Guðmundsdóttir

1975 Elísabet Möller

1976 Elísabet Möller

1977 Laufey Karlsdóttir

1978 Ágústa Guðmundsdóttir

1979 Sólveig Þorsteinsdóttir

1980 Steinunn Sæmundsdóttir

1981 Steinunn Sæmundsdóttir

1982 Sólveig Þorsteinsdóttir

1983 Sólveig Þorsteinsdóttir

1984 Ásgerður Sverrisdóttir

1985 Steinunn Sæmundsdóttir

1986 Steinunn Sæmundsdóttir

1987 Ragnhildur Sigurðardóttir

1988 Steinunn Sæmundsdóttir

1989 Steinunn Sæmundsdóttir

1990 Steinunn Sæmundsdóttir

1991 Ragnhildur Sigurðardóttir

1992 Ragnhildur Sigurðardóttir

1993 Herborg Arnarsdóttir

1994 Ragnhildur Sigurðardóttir

1995 Ragnhildur Sigurðardóttir

1996 Ragnhildur Sigurðardóttir

1997 Ragnhildur Sigurðardóttir

1998 Ragnhildur Sigurðardóttir


1999 Ragnhildur Sigurðardóttir

2000 Ragnhildur Sigurðardóttir

2001 Ragnhildur Sigurðardóttir

2002 Herborg Arnarsdóttir

2003 Ragnhildur Sigurðardóttir

2004 Ragnhildur Sigurðardóttir

2005 Ragnhildur Sigurðardóttir

2006 Ragnhildur Sigurðardóttir

2007 Helena Árnadóttir

2008 Ragnhildur Sigurðardóttir

2009 Helena Árnadóttir

2010 Ragnhildur Sigurðardóttir

2011 Ólafía Þórunn Kristinsdóttir

2012 Ólafía Þórunn Kristinsdóttir

2013 Berglind Björnsdóttir

2014 Ragnhildur Sigurðardóttir

2015 Ragnhildur Sigurðardóttir

2016 Ragnhildur Sigurðardóttir

2017 Ragnhildur Sigurðardóttir




Powered by SmugMug Log In